Miriam Cani ka folur për herë të parë për humbjen e nënës së saj. E ftuar në emisionin “Rudina”, këngëtarja tregon se për familjen e saj ka qenë dhe është gjithmonë krenare, edhe pse ka një peng në zemër , të ëmën, modelin e së cilës ajo e ka pasur gjithmonë jo vetëm kur është bërë nënë.
E pyetur nga Rudina nëse ia ndien mungesën më shumë tani që është bërë nënë vetë, e emocionuar Miriami përgjigjet se modelin e saj ajo e ka pasur gjithmonë shembull, e ndjek gjithmonë malli i saj, engjëlli i saj, por edhe bekimi nga lart.
“Unë do të thoja që çdo fëmijë e ka model nënën e vet. Natyrisht që ajo mua më frymëzon e më jep forcë për shumë gjëra. Është motiv për mua për shumë gjëra”, thotë Miriam.
Mami nuk është, por Miriam mori një surprizë nga i ati Agim dhe i vëllai, Silvi, të cilët i dërguan një mesazh me fjalë zemre. Tani që po jetojnë larg njëri-tjetrit, kanë mall, mezi presin të bashkohen sërish e të gëzojnë me Amelinë.
I ati, ndër të tjera i thotë se ndihet shumë krenar që ajo është pjesë e artit shqiptar, ëndrra që ai ka pasur që kaherë, por njëkohësisht nuk harron ta këshillojë të bijën që të japë e të marrë pa fund nga arti shqiptar, në mënyrë që, sa më shumë të mundemi, ta ndajmë nëpër botë atë që dimë të bëjmë më mirë.
Edhe Silvi, pika e dobët e Miriamit, i ka shprehur gjithashtu së motrës dashurinë dhe adhurimin e tij. Ashtu si i ati, edhe ai i uron sukses Miriamit në projektet e reja muzikore dhe mezi pret t’i shijojë ato.
