Ka njerëz që shqetësohen nga zhurmat e përtypjes së ushqimit dhe as nuk janë të vetëdijshëm se vuajnë nga një gjendje e pazakontë.
Shkencëtarët britanikë thonë se mizofonia është një problem i vërtetë shëndetësor që prek 18 për qind të të rriturve. Megjithatë, kjo dallon nga shqetësimi i lehtë që përjetoni ndërsa dëgjoni personin pranë jush duke përtypur ushqimin e tij.
Për t’i bërë gjërat edhe më keq, nuk është vetëm përtypja ajo që mund t’i shqetësojë njerëzit kur hanë me shoqëri. Këtu përfshihet gllënjka dhe frymëmarrja e rëndë.
Mizofonia është një çrregullim në të cilin tinguj të caktuar shkaktojnë përgjigje emocionale ose fiziologjike që disa mund t’i perceptojnë si të paarsyeshme duke pasur parasysh rrethanat. Ata që kanë mizofoni mund ta përshkruajnë atë si kur një tingull “të çmendur”. Reagimet e tyre mund të variojnë nga zemërimi dhe bezdisja te paniku dhe nevoja për t’u larguar. Çrregullimi nganjëherë quhet sindroma selektive e ndjeshmërisë ndaj zërit.
Individët me mizofoni shpesh raportojnë se nxiten nga tingujt oralë – zhurma që bën dikush kur han, merr frymë apo edhe përtyp. Tinguj të tjerë të pafavorshëm përfshijnë goditjen e tastierës ose gishtit ose zhurmën e fshirëseve të xhamit. Ndonjëherë një lëvizje e vogël e përsëritur është shkaku – dikush të lëviz, të shtyn ose tund këmbën.
Nuk është përcaktuar nëse mizofonia është një gjendje gjenetike apo rezultat i traumave të mëparshme, dhe kërkimet vazhdojnë për të përcaktuar nëse gjendja është shkaktuar nga një problem dëgjimor apo neurologjik në tru.
