Thonë se duhet t’i provosh gjithmonë para se ti blesh. Por provimi i testerave të makijazhit nëpër dyqanet e kozmetikës nuk është një ide e mirë sipas një mikrobiologe.
Nëse përdorni mostrat në dyqanet kozmetike mund të rrezikoheni nga herpesi dhe salmonela.
Në sipërfaqen e produkteve testuese mund të gjenden spërkla pështyme, të cilat mund të përhapin virusin herpes. Ju nuk e dini se kush e ka provuar atë buzëkuq ndaj nuk mund të jeni të sigurt se çfarë virusi mund të merrni.
Sipas “Daily Mail” peneli dhe rimeli gjithashtu mund të acarojnë sytë tuaj, e shumë produkte të tjera mund të bartin salmonelën ose e.coli. Veç kësaj, furçat e makijazhit mund të mbledhin gjithashtu baktere si atafilokok aureus dhe streptokok.
Shumica e njerëzve kurrë nuk do ta ndanin furçën e dhëmbëve me të tjerët, ndërkohë furçat e grimit po. Ekziston një rrezik real për kapjen e infeksioneve bakteriale dhe herpesit, pasi ne të gjithë kemi mikroorganizma të ndryshëm që jetojnë me ne dhe nëse një produkt përdoret nga 30 apo 40 njerëz rreziku rritet ndjeshëm.
Megjithatë, problemet kanë dalë në dritë pasi një grua amerikane paditi një kompani produktesh kozmetike, pasi ajo pretendoi se u infektua me herpes pas përdorimit të produkteve të asaj firme.
Një raport i “Daily Mail” pohon se tre të katërtat e artikujve testues përmbanin bakterin e stafilokokut. Studimet kanë zbuluar gjithashtu se 43% e penelit dhe rimelëve përmbajnë mikroorganizma të ndotur.
Burimi: Daily Mail
