Botës luksoze të makinave do t’i shtohet një version shumë i veçantë i hipermakinës Mercedes-AMG, kjo si dhuratë e departamentit sportiv të kompanisë për 50-vjetorin e tij. Mercedes konfirmoi gjatë Grand Prix në Belgjikë, se po punonte për këtë projekt, ndërsa tashmë gjërat duken më konkrete, pasi pritet të prezantohet në sallonin e makinave në Paris.
Supermakina sportive e Mercedes-AMG, e frymëzuar nga Formula 1, premton se do ripërcaktojë ligjet e fizikës. Mos të harrojmë që, nga ana tjetër, “Red Bull” tashmë bashkëpunon në projektin e supermakinës së Aston Martin të dizenjuar nga Adrian Neëey, kështu që është e pamundur t’i rezistohet një ultra Mercedes-AMG.
Makina e F1 që po ndërton Mercedes-AMG për në rrugë do të ketë strukturë fibre karboni. Nga çfarë dihet deri tani, projekti i quajtur Mercedes-AMG R50 do të jetë i pajisur me një motor turbo benzinë 1000 kuaj fuqi. Për më tepër, atë do ta shoqërojnë dy motorë elektrikë me 150 kuaj fuqi secili, të cilët do të ndodhen në pjesën e përparme. Pra, në rast se do të përdoreshin të tre motorët, fuqia totale shkon 1300 kuaj. Debatet lindën pikëpyetje nëse kjo makinë do të prodhohej me të vërtetë. Sa për shumë e saj, pritet të mos jetë më pak se 2 milionë euro!
*Shfleto galerinë
Burimi: Maxim
