Blerim Destani është një aktor mjaft i suksesshëm si dhe një mik i ngushtë i reperit Noizy. Së fundmi, ai ka qenë në festën private të reperit, ku Noizy mblodhi shumë personazhe VIP në Tiranë, duke i shpjeguar detaje nga koncerti “Alpha Show”.
Mirëpo, si janë kontaktet mes Noizy-t dhe Blerimit, në këtë periudhë që reperi është mjaft i ngarkuar?
“Unë e pyes atë, jo ai. E kam thirrur, më thotë prit 5 minuta ta mendoj dhe të thërras përsëri. Në fakt jam unë që e pyes për diçka, jo ai.” – tha ai për Abc News.
Por kur do e mbyllë Noizy karrierën e tij si reper?
“Ai tenton apo mendon së shpejti ta mbarojë karrierën dhe do doja që mos të ndodhte kjo. Është një njeri shumë i lartë. Shqipëria më 2 milion banorë, të jesh aq i suksesshëm sikur është Noizy meriton një mburrje për të gjithë ne dhe shpresojmë mos të ndalojë kurrë.” -theksoi aktori i njohur.
Noizy vijon të publikojë hite të njëpasnjëshme. Kënga e tij “Heart Attack” në bashkëpunim me Loredanën ka grumbulluar miliona klikime në Youtube.
Së fundmi, Loredana zbuloi dhe se si është njohur me reperin.
“Na ka bashkuar Blerim Destani. Nuk jemi njohur kurrë më parë. Jemi takuar, jemi kuptuar dhe nuk ka patur asnjë problem. Shoqëria është super prej nesh. Pak më vonë mund të sjellim edhe ndonjë koncert tjetër. Do jem pa lekë absolutisht.”-tha Loredana.
