Ben Affleck u shfaq i përlotur gjatë festimit të ditëlindjes së 53-të të gruas së tij, Jennifer Lopez në Paris.
Ylli 49 vjeçar i “Deep Water”, u fotografua të dielën në mbrëmje me fytyrë paksa të skuqur dhe dukej i prekur ndërsa po bisedonte me Lopez.
Dyshja ishin në mes të një darke romantike në restorantin “La Girafe”, i cili ndodhet në “Place du Trocadéro” përballë Kullës Eiffel.
Në një moment, Lopez u pa duke ngushëlluar bashkëshortin e saj të ri në një moment prekës të cilin fansat kanë arritur ta kapin në kamera.
Ylli i “Marry Me” e ka kapur me delikatesë fytyrën e Affleck në një përpjekje për ta ngushëlluar atë.
Megjithatë, duket se lotët e Affleck ishin lot gëzimi, pasi ai dhe Lopez u panë duke ndarë disa të qeshura vetëm pak çaste pasi regjisori i “Argo” ishte emocionuar.
Pas ndarjes me Alex Rodriguez, JLo gjeti sërish dashurinë me Ben Affleck. Affleck i propozoi JLo vite më parë. Megjithatë, jeta i dha një shans të dytë “Benniferit”.
Ben Affleck i propozoi Jennifer Lopez-it për herë të dytë, me një unazë elegante jeshile. JLo e pëlqen ngjyrën e gjelbër, e lidh ngjyrën me fatin e mirë.
Unaza e re e fejesës së JLo ka një vlerë prej 5 milionë dollarësh, por thuhet se kostoja mund të arrijë deri në 10 milionë dollarë.
