“Jam rritur me idenë që duhet të jem e pavarur. Moda nuk ishte qëllimi im, por një mjet për të mos u varur nga prindërit e mi. Jo një pasion, thjesht një dëshirë për të nxjerrë të ardhura”, thotë një ndër dizajnueset më të famshme sot. Ajo është Patricia Field, e lindur në New York më 12 shkurt 1941 nga një baba grek dhe një nënë armene. Karakteristika e saj dalluese? Flokët flakë të kuqe, një stil “rock glam” dhe një cigare në duart e saj. Në vitet ’70 ajo filloi të stilonte streçe dhe mori famë botërore gjatë viteve ’90 si projektuese e veshjeve të Carrie Bradshaw dhe shoqeve të saj, Carrie, Charlotte, Samantha and Miranda, për serinë televizive “Sex and the City” dhe për dy filma të tjerë. Arritjet i dhanë një “Emmy Award”. Karriera e saj nisi të ngrihej atë kohë. Ajo stiloi veshjet për “The Devil Wore Prada” (dhe u propozua për Oskar), për filmin “Ugly Betty” dhe “I Love Shopping”.
Ajo zotëron një dyqan në New York me një përzierje të stileve të ndryshme të veshjeve. Aftësia e saj është të kombinojë veshjet klasike me korset e “Dolce & Gabbana”, finesën e “Gucci”-t me tendencat sportive të “Ralf Lauren” dhe bashkimin e një gjerdani të punuar me dore me një çantë “Fendi”.
“Në jetën reale njerëzit vishen kështu, përziejnë gjithçka. Kjo është metodë e punës time”, thotë ajo. Një metodë që funksionon, sepse ajo i ka veshur gjithmonë femrat dhe i bënë ato të ndjehen të bukura. Një shpirt vërtet i lirë që na bënë të ëndërrojmë përmes modës dhe rrobave. Që na frymëzon me kombinimet e saj plot ngjyra dhe të papritura. Stili i kokëkuqes Patricia Field është i paimitueshëm dhe i përjetshëm.
