Aktorja e njohur Estelle Harris – e cila njihet për rolin e saj në “Seinfels” dhe “Toy Story” – ka ndërruar jetë në moshën 93-vjeçare të shtunën mbrëma në shtëpinë e saj.
Djali i saj Glen tha se ajo vdiq nga shkaqe natyrore, duke shtuar:
“Me keqardhjen dhe pikëllimin më të madh njoftoj se Estelle Harris ka ndërruar jetë këtë mbrëmje në orën 6:25″.
Më pas Glen vazhdoi duke thënë:
“Mirëdashja, pasioni, ndjeshmëria, humori, empatia dhe dashuria e saj ishin praktikisht të pakrahasueshme dhe ajo do t’i mungojë tmerrësisht të gjithë atyre që e njohën“.
Estelle Harris është shumë e njohur për rolet e saj në vitet ’90. Ajo luajti znj. Potato Head në 3 filmat më të fundit të “Toy Story”.
Estelle Harris gjithashtu ka luajtur edhe në shumë projekte të tjera të animuara, duke përfshirë edhe filmat si “Brother Bear” (2003), “Tarzan II” (2005) dhe serialet si “Hercules”, “The Wild Thornberrys” e “Godzilla: The Series” (1998).
#EstelleHarris, based known as George Costanza’s mom on #Seinfeld and Mrs. Potato Head in #ToyStory, passed away at age 93. https://t.co/wNPCU3cE1z pic.twitter.com/kNlPHOro09
— Nerdtropolis ® (@Nerdtropolis_) April 3, 2022
Karriera e saj filloi duke bërë reklama dhe me dy role të vogla në filmat “Looking Up” e “Summerdog” në vitin 1977. Ndërsa rolet më të rëndësishme filluan kah mesit të viteve tetëdhjetë duke përfshirë edhe pjesëmarrjen në rolin “Once Upon a Time in America” të Sergio Leones (1984).
