Në vazhdën e përgjigjeve ndaj komenteve të paarsyeshme karshi saj në rrjetet sociale, Enca sot bëri publike një vajzë që e kritikon përse i prek flokët me dorë teksa flet, duke i thënë madje se e neverit kjo gjë.
“Aman kujdes me ato flokët se na e shpife tu i kap çdo dy sekonda, priti fare dhe je më rehat.”, i shkruan vajza, së cilës Enca iu përgjigj:
“U mërzite ti?”
Komenti erdhi në një prej postimeve në Instagram të Encës, ku ajo shfaqet në studion e “Xing me Ermalin”, gjatë xhirimeve të intervistës që u transmetua të shtunën mbrëma.
Enca e publikoi bisedën e shkurtër me komentuesen në Instastory, bashkë me një koment të vetin ku kërkon të lihet rehat me gjithë flokët e saj.
“Kushdo që bezdiset nga flokët e mi s’e ka patur kurrë fatin/ hallin të ketë flokë të gjatë dhe të dendur. Sidomos gjatë xhirimeve”, shkruan Enca, “Kështu që më lini të qetë, mua dhe flokët e mi.”
Enca shtoi edhe një ikonë të një vajze që prek flokët.
“Shikoni, edhe te emoji po i prek flokët, e kam në gjak.”
Para disa javëve, Enca iu kundërpërgjigj atyre që e konsiderojnë pornostar për shkak se ekspozon gjoksin.
“Ju lutem kursejini komentet e tilla para se të më prishen sytë, edhe para se të prisheni vetë!”
