Ministrja e Shëndetësisë, Ogerta Manastirliu, ka dhënë lajmin e mirë se një tjetër infermiere e infektuar ka mposhtur virusin vdekjeprurës Covid-19.
Analiza e saj ka rezultuar negative dhe infermierja është shëruar plotësisht.
Ajo është e 22-ta nga uniformat e bardha e cila shërohet nga pandemia Covid-19.
Ndërkohë, në të gjithë vendin janë regjistruar gjithsej deri tani 131 raste të shëruara.
“??⚕️ Çdo infermier, çdo mjek, çdo punonjës i sistemit shëndetësor është aset i çmuar për ne. Ndaj më gëzon fakti se edhe 1️⃣ infermiere është shëruar pas testit konfirmues nga laboratori i virologjisë në #IShP ✅
Shkon në 2️⃣2️⃣numri i mjekëve dhe infermierëve të shëruarve nga ?#COVID19?
Deri tani 1️⃣3️⃣1️⃣ qytetarë dhe staf mjekësor e kanë mundur #covid19❗️ #FORCA“- shkruan Manastirliu në postim.
https://www.instagram.com/p/B-rTZiXAwo2/
Në përditësimin e sotëm për bilancin e të prekurve nga Covid-19, Ministria e Shëndetësisë ka konfirmuar 6 raste të reja të prekura nga koronavirusi, duke e çuar në 383 numrin e tyre total.
Ky është numri më i ulët i ditëve të fundit dhe parashikohet që kurba e të prekurve të vijë në zbritje.
