Një pavion i veçantë është krijuar për nënat e prekura nga koronavirusi në maternitetin “Mbretëresha Geraldinë”.
Lajmin e ka dhënë ministrja Ogerta Manastirliu, e cila u shpreh se nënat e infektuara mund të sjellin në jetë fëmijët në një ambient të veçantë.
Pavarësisht se një pjesë e mirë e grave shtatzëna me COVID-19 janë shëruar, ky pavion është në gatishmëri!
“Në maternitetin “Mbretëresha Geraldinë” janë marrë të gjitha masat në pavionin e veçantë #COVID, për nënat e prekura nga covid19 që mund të sjellin në jetë fëmijët në këtë periudhë epidemie. Për fat të mirë pjesa më e madhe e grave shtatzëna të prekura nga virusi i rrezikshëm, janë shëruar?? Por për çdo rast, stafet tona janë në gatishmëri! #KrenarePërStafetMjekësore #BASHKË”
Ndërkohë sot janë konfirmuar 12 raste të reja me COVID-19 gjatë 24 orëvë të fundit duke e çuar numrin total të të prekurve në 981.
Harta është zgjeruar më 7 raste në Tiranë,2 në Fier, 2 në Krujë dhe 1 në Durrës, ndërsa të shëruar janë 6 qytetarë.
