Taylor Swift bëri 170 milionë dollarë vitin e kaluar. 26-vjeçarja ka kaluar në vendin e parë të listës së “Forbes” për celebrities më të pasur që ndodhet nën moshën 30-vjeçare.
Ajo bëri 60 milionë dollarë më shumë se sa vendi i dytë, grupi “One Direction”, i cili përfshinë katër persona.
Rivali më i afërt i vetëm është futbollisti që luan për Barcelonën, Lionel Messi, i cili ndodhet në vendin e tretë me 81.5 milionë dollarë të ardhura mes 1 qershorit të 2015-s dhe 2016-s.
Pavarësisht se ishin vetëm 4 femra mes 37 njerëzve, tre nga ato u renditën në 5-tshen e parë, me Adele dhe Rihanna-n, që bënë përkatësisht 80.5 milionë dollarë dhe 75 milionë dollarë.
Jennifer Lawrence, e vetmja aktore në listë dhe më e paguara në “Hollywood”, renditet në vendin e 12-të me 46 milionë dollarë fitime.
I famshmi më i ri në listë, Justin Bieber, renditet i 6-ti me 56 milionë dollarë të ardhura brenda vitit. Në vend të 7-të renditet lojtari i tenisit, Novak Djokoviç, basketbollisti Kevin Durant ndodhet i 8-të, i 9-ti renditet The Weeknd, ndërsa lojtari i golfit Jordan Spieth, në vend të 10-të.
Burimi: Daily Mail
