Ashtu si tek “Sex and the City”, ju keni diskutime të ngjashme për shoqërinë, marrëdhëniet, meshkujt, femrat dhe seksin. Ju jeni përpjekur të zbuloni në miqësinë tuaj se kush është Carrie, Charlotte, Miranda apo Samantha.
Thuajse 12 vite pas përfundimit të Sex and the City, njëra nga aktoret, Cynthia Nixon, apo siç e njohim të gjithë si Miranda Hobbes, flet për seritë që e bënë të njohur. E ftuar nga IMDb, Nixon zbuloi se të gjitha ngjarjet e shfaqjes janë të bazuara në ndodhi të jetës reale, ndërsa tregoi se çdo që është realizuar në të vërtetë.
“Skenaristët kishin një rregull të pa kundërshtueshëm, nuk mund të përfshinin në serial asgjë që të mos kishte ndodhur në jetën e tyre, tonën apo të dikujt që ishte i pranishëm aty. Të gjitha historitë i kanë ndodhur vërtetë njërit prej nesh. Seksi gjithashtu apo ekstravagancat e tjera në krevat…ishin reale. Kontaktet e çuditshme fizike gjërat seksuale që ndodhën, ato ishin të vërteta. Ato thjesht nuk janë tregime të gjata”, tregoi Cynthia Nixon.
Burimi: News.com.au
