A do të pranoje që partneri yt të kalonte një natë me një femër tjetër për 80 milionë dollarë?
Seriali që kemi zgjedhur sot, “What If” i Netflix, do t’ju vendosë përballë kësaj dileme të madhe!
Në pamje të parë, duket sikur zgjedhja është e lehtë! Nëse e do vërtet partnerin, një femër mund të tregohet e vendosur që të mos e ndajë atë me dikë tjetër, pasi kjo do të dëmtonte marrëdhënien e tyre.
Por nëse ju themi që bëhet fjalë për një mision të madh: Të shpëtosh jetët e miliona fëmijëve?!
Seriali i ri dramë/thriller “What If” (Po sikur), e ka marrë idenë e subjektit nga filmi i famshëm “Indecent Proposal”, me aktorët Robert Redford, Demi Moore, and Woody Harrelson.
Vetëm se këtë herë është një femër që e bën propozimin, Renée Zellweger, aktorja e famshme e “Bridget Jones”, që e shohim shumë të transformuar në këtë serial, si një femër të fuqishme, seksi, mjaft të rrezikshme dhe me një të kaluar misterioze.
Zellweger luan rolin e një gruaje që quhet Anne Montgomery, një shkrimtare pasanike që i premton një shkencëtareje Lisa Donovan (Jane Levy) se do të investojë 80 milionë dollarë në kompaninë e saj, në këmbim të një nate me bashkëshortin Sean (Blake Jenner).
Anne do të financojë kërkimet mjekësore të Lisas-s që parashikohet të shpëtojnë jetët e miliona fëmijëve, dhe në këmbim do të kalojë një natë me Sean.
Vetëm se ka një kleçkë! Sean nuk duhet t’i tregojë kurrë Lizës se çfarë ndodhi atë natë. Nëse e bën këtë, Anne do të marrë kompaninë e Lisa-s dhe e gjithë përpjekja e tyre do të shkojë dëm!
Por propozimi nuk mbaron me kaq!
Në skenë hyn ish-e dashura e Sean-it, të cilën Anne e rikthen në jetën e çiftit për të sjellë më shumë konflikte mes tyre.
Sean ka një temperament mjaft të keq dhe një sekret të errët në të kaluarën e tij! Anne e di këtë, dhe luan me të kaluarën e ish-sportistit që ka fshehur një vrasje të kryer vite më parë dhe për të cilën Lisa nuk di asgjë!
A do të rrezikojë ajo të ekspozojë gjithçka? A e njeh Lisa 100% mashkullin që ka në krahë?! Bëhet fjalë vetëm për një natë seksi apo ka më shumë! Këto janë pyetje që do t’ju mbajnë të mbërthyer pas ekranit.
Skena seksi thatë? Sa të duash!
Ekzistojnë komplote të mëdha në këtë serial që ka 10 epsiode gjithsej! Nuk mungojnë as skenat e seksit që e bëjnë edhe më interesant filmin.
Lisa dhe Sean nuk janë i vetmi çift rreth të cilit vërtitet historia.
Vëllai gay i Lisa-s, Marcos (Juan Castano) është në një marrëdhënie me Lionel (John Clarence Stewart), dhe të dy vendosin të kenë një lidhje të hapur, kur ftojnë striptistin Kevin për një natë!
Nga ana tjetër është çifti Todd dhe Angela , dy miqtë e Sean që nga gjimnasi, të cilët janë lidhur që kur ishin në shkollë dhe marrëdhënia e tyre rrezikohet kur Angela e tradhton Todd-in me një kirurg mjaft karizmatik, që e do vetëm për vete infermieren.
Nga ana tjetër, Renée Zellëeger, ka një dhomë posaçërit për lojëra seksi, dhe nuk po flasim për dhomën e gjumit. Një dhomë me avull, një kolltuk të rehatshëm dhe një “skllav seksi” që bën çfarë i thotë ajo në këmbim të parave.
A doni më nga “50 hijet e Renee”?
/Iconstyle.al
