Moderatorja e njohur Marina Vjollca i ka munguar prej kohësh ekranit, megjithatë së fundmi po përflitet se ajo do të rikthehet në “Tv Klan” në një emision me Bes Kallakun dhe Olsi Bylykun.
Pavarësisht mungesës në televizion, moderatorja ka qëndruar aktive me ndjekësit e saj në rrjete sociale, ku ndan vazhdimisht postime të ndryshme nga përditshmëria.
Së fundmi, Marina publikoi një video ku tregon më së miri sesi ajo sillet kur nuk i plotësohen tekat. Në këtë rast, kur nuk ha çokollatë.
Moderatorja ka publikuar videon e një maceje e cila revoltohet kur i zoti i largon çokollatën që aq shumë po e shijonte dhe mesa duket, të njëjtin veprim bën edhe Marina.
“Unë, kur s’më japin nutella.”- shkruan ajo krahas videos, ndërsa kushërira e saj, këngëtarja Evi Reçi e ka pohuar këtë:
“Po fiks, fiks. Tu na kap me shpulla.”- konfirmon Evi në komente.
