Është vërë, koha për plazh, det, rërë, party me shkumë etj etj!
Por për ty që ashtu si ne, vera e 2019-s mund të përmblidhet me 3 fjalë: “Jam në punë!”, i kemi jo 1 por 9 zgjidhje!
Nëse nuk do të bësh asnjë ditë pushimi larg Tiranës këtë sezon veror, atëherë po lexon artikullin e duhur.
Ne do t’ju bëjmë një guidë në vendet më fantastike që mund të vizitosh në kryeqytet, për t’ia kaluar super këtë muaj dhe na besoni kur t’ju themi se edhe shoqet që kanë ikur në det do t’ju kenë zili!
1.Eksploro restorantet e reja
Nëse dëshiron të shohësh vende të reja dhe sigurisht të provosh ushqimet që nuk i ke provuar më parë, atëherë ne ju sugjerojmë dy restorantet më fantastikë që janë hapur në kryeqytet. Provo recetat kreative dhe sushit e restorantit Attimi që ndodhet në rrugën “Ismail Qemali”, pranë kryqëzimit me rrugën Sami Frashëri.
View this post on Instagram
Ose mund të shkosh në restorantin Inshanoo për të provuar gatimet më speciale me salcat e humusit që do t’ju lëshojë goja lëng.
Për ty që përton te dalësh nga shtëpia për të ngrënë, mund të porositësh nga kolltuku yt i rehatshëm të gjitha gatimet e dy restoranteve të sipërpërmendur me një klik nga aplikacioni SnapFood, që mund ta shkarkosh falas këtu.
2.Kur s’ka det, ka pishina!
Nëse shkon në Dajt, 5 kilometra larg Tiranës do të gjesh një pishinë fantastike për t’u freskuar në këto ditë të nxehta vere. Select Hill Resort ofron jo vetëm pishinën, por ajër të freskët dhe një pamje të mrekullueshme për të bërë foto fantastike Instagrami. Ah, mos u shqetësoni fare për parkimin pasi vendin e keni gati dhe po ju pret tani!
Për ty që i adhuron lojërat dhe dëfrimin në verë me shoqërinë ne e kemi zgjidhjen! Në krah të Citypark është hapur Aqua Park, një kompleks madhështor pishinash me shumë mundësi argëtimi për fëmijët dhe të rriturit. Vendi ideal për të kaluar ditët e nxehta ka 3 pishina, një për të rritur 1800 metër katrorë, një pishinë enkas për fëmijë dhe shtatë rrëshqitëse për t’u argëtuar pa fund.
3.Kujdesu për veten
A ke pasur kohë të merresh me veten këtë verë? Nëse jo, te My SPA Tirana mund të bësh një trajtim për fytyrën apo trupin, me metodat më profesionale që ofron qendra e estetikës dhe e dobësimit. Nëse ke probleme me çikatriçet post akne, rrudhat apo strijat, ky është vendi i duhur ku jo vetëm mund të qajmë hallet ne gocat, por edhe t’i zgjidhim ato njëherë e mirë.
Kush është për relaks të ngrejë dorën! Në Bamboo SPA & Hammam mund të bëni një masazh relaksues për trupin tuaj, aq të nevojshëm pas gjithë këtyre javëve të lodhshme nga vapa. Interesohu për paketat e relaksimit dhe masazhit dhe rezervoni datën sa më shpejt! Kujdesu tani për trupin dhe ai do t’ju falenderojë më vonë!
4.Për pak adrenalinë
Për ty që je në kërkim të adrenalinës këtë periudhë L’attitude ofron vendin fantastik për t’u argëtuar me ngjitje, apo edhe fluturime në një dimension që nuk njeh limite. L’attitude do t’ju sfidojë trupin dhe mendjen, ti vetëm bëhu gati!
Thirri krejt shokët! Paintball Zone në Mëzez ju pret për të luajtur dhe sfiduar njëri-tjetrin në lojën që ofron mjaft adrenalinë. Lëri filmat aksion në shtëpi dhe vish rrobat ushtarake për të bërë disa gjuajtje të mira me bojë! Do ta zbulosh nëse ke shenjë apo jo?! Ah mos harro, merr objektivin me vete! (*e kemi fjalën për shokun që do gjuash)
5.Shfrytëzo uljet e sezonit për shopping
E dimë që të gjithë jemi nga pak shopaholic në gjak ndaj kjo është periudha fantastike për ta shfrytëzuar për uljet më të mëdha të sezonit. Vizito Qendrën Metropol në rrugën “Sami Frashëri”, ku do të kesh mundësi të përmbushësh të gjitha nevojat e tua.
Nga artikujt për shtëpi që i gjeni te “Villeroy & Boch” te aksesorët unikë të “Swatch”, veshjet për fëmijë te “Blukids” apo aksesorët elegantë të “Swarovski-t”, blerjet e këtij gushti do të jenë idealet për ju që doni t’i bëni dhurata vetes ose miqve. Kalojeni gushtin siç ju ka hije duke përfituar nga ofertat e papara!
6.Kinemaja nuk është kurrë një ide e keqe
Pasditet në Tiranë janë perfekte për të shijuar kinemanë! Edhe pak ditë na ndajnë nga dalja e një prej filmave më të shumëpritur të të gjitha kohërave. “Once upon a time in Hollywood” me protagonistë Brad Pitt, Leonardo Di Caprio-n dhe Margot Robbie-n do ju transportojë në kohën e vrasjeve famëkeqe në LA në vitin 1969. Tarantino ka punuar me këtë skenar për pesë vjet, dhe ka qenë vetëm 17 vjeç në kohën kur rrjedhin ngjarjet.
Një vend fantastik për rininë e Tiranës është “Open Air Tirana”, ku mund të gjeni, kinema verore, festë, dhe miq të rinj. Rezervoni vendin tuaj dhe eksploroni një tjetër anë të kinemasë, atë në qiell të hapur nën shoqërinë e yjeve! Ok, u bëmë shumë romantike e dimë, por fajin e ka “Open Air Tirana”.
7.Pak muzikë e mirë shëron gjithçka
A kemi ndonjë këtu që po vdes për pak muzikë dhe një kokteil të shijshëm! Për ty që dëshiron ta kalosh bukur natën në Tiranë me shoqërinë, jeta e natës kalohet perfekt në Tulla Nouvelle që e gjeni te Pallati i Kulturës. Në taracën e Tulla Nouvelle do të shijoni muzikën më të mirë të të gjitha kohërave me një gotë plot në dorë dhe miq të mirë!
8.Eksploro natyrën
Keni dëgjuar ndonjëherë për Shëngjergjin? Pak minuta larg Tiranës, i fshehur pas malit të Dajtit, ndodhet komuna Shëngjergj që përmban 12 fshatra. Aty do të përfshiheni në një realitet tjetër mes kodrave plot gjelbërim e ujit të freskët të lumit Erzen. E veçanta e Shëngjergjit është se ka gjithçka: gjelbërimin, lumin, shtëpitë e vjetra dhe ujëvarën e njohur si Përroi i Trrogut.
Me një natyrë piktoreske dhe legjendën e lashtë që mban mbi supe Syri i Ciklopit të ofron mundësinë e turizmit dhe sa mirë që ndodhet shumë pranë Tiranës, rreth 4 km poshtë Kërrabës.
Një liqen i kristaltë fle atje në fund të shkëmbinjve, për të cilin thonë se është vendi ku bisha dha shpirt e pas tij mbeti një liqen në formë zemre (Lexo këtu). Natyra piktoreske dhe peizazhi i virgjër bën që ky vend i veçantë të vizitohet nga turistë të huaj dhe shqiptarë.
9.Pse të jesh ti delja e bardhë e shoqërisë?
E dimë që kur të kthehen mikeshat e tua nga deti, do të duket diferenca! Ato do të jenë nxirë dhe do të kenë marrë një ngjyrë çokollate, ndërkohë që ti nuk vesh dot të bardha se të vret sytë!
Ndaj për një nxirje perfekte vizito Velur Spa në rrugën “Sami Frashëri” pranë Qendrës Metropol dhe bëhu dhe ti si shoqet! Qëllimi është të dukesh e nxirë dhe seksi!
