Një flotë autoambulancash është dërguar nga Turqia për t’i ardhur në ndihmë sistemit shëndetësor shqiptar.
Lajmin e ka dhënë kryeministri Edi Rama në një njoftim në Facebook, ku shkruan se autoambulancat janë nisur drejt vendit tonë.
Rama ka publikuar disa foto të autoambulancave të reja që do të vijnë në Shqipëri, në të cilat është vendosur logoja e shqiponjës, që simbolizon flamurin shqiptar.
Ende nuk dihet nëse autoambulancat janë blerë nga shteti turk apo jo!
Situata me koronavirusin në vend që ka çuar në 6 viktima dhe 174 të infektuar, ka detyruar qeverinë të shpallë gjendjen e fatkeqësisë natyrore në vend.
