Një figurë femërore pritet t’i bashkohet prezantimit të emisionit “Wake Up”.
Mediat shkruajnë se emri i vajzës është Oriela Nebiaj. Oriela, e cila ka pasur edhe më parë përvoja në televizion, kishte një periudhë që ishte shkëputur nga ekrani.
Fillimisht ajo iu bashkua Partisë Demokratike si zëdhënëse në vitin 2014, kur zëvendësoi Laura Vorpsin. Më pas nisi një projekt me Chef-in e kuzhinës Renato Mekolli me të cilin hapi një restorant në kryeqytet.
Por sot, duket se ajo do t’i bashkohet dyshes simpatike Eno dhe Isli në emisionin “Wake Up”, për t’iu rikthyer dashurisë së parë, televizionit.
