“Jam katunar Bërzhite nga Tirana, jam i virgjër, jam i interesuar për një vajzë të mirë”
Kjo ishte kërkesa e Fatmirit në “Aldo Morning Show”. 47-vjeçari telefonoi për të kërkuar një vajzë për nuse.
Ai tha se nuk ka ndonjë preferencë nga ato që kanë telefonuar më parë dhe sqaroi se nuk është martuar për shkak se për një periudhë të gjatë ka jetuar jashtë Shqipërisë.
“Interesimi është për një vajzë të mirë. Jam 47 vjeç. Jam i virgjër. Nuk kam qenë i martuar ndonjëherë, dmth me letra jam i virgjër, se kështu jam me përvojë pune. Kërkoj dikë që është e interesuar të më merrte mua. Mendoj se jam çun normal, arsyet që kam ndejtur kaq vonë janë emigrimi, nuk kam probleme ekonomike. Ushtrinë e kam bërë në kufi”, u shpreh Fatmiri me shpresë së këtë çështje do t’ia zgjidhë Aldo.
