Në Itali është shënuar sot rritje e numrit të viktimave nga Covid-19, krahasuar me një ditë më parë, pasi gjatë 24 orëve të fundit kanë humbur jetën 236 persona, 41 viktima më shumë se një ditë më parë, ku ishin 195 të vdekur.
Sakaq, janë identifikuar 1,075 raste të reja dhe në total, që nga fillimi i epidemisë janë 213,013 persona të infektuar me koronavirus.
2,352 persona janë shëruar që prej ditës së djeshme, duke e çuar në total 85, 231 numrin e personave që kanë fituar betejën me virusin, teksa në Lombardi, rajoni më i prekur, ka 509 raste të reja dhe 95 viktima.
Ditën e djeshme, pas dy muajve izolim Italia është futur në fazën e dytë të pandemisë, pasi ka nisur lehtësimi i masave që ka rikthyer rreth 4 milionë njerëz në punë.
Të gjithë ata që do të rikthehen në punë, janë mes moshës 40 dhe 49 vjeç, por e përkthyer në përqindje, 70% e atyre që kthehen në punë i përkasin grupmoshës 50 dhe 59 vjeç dhe për 60% ndaj atyre mbi 60 vjeç.
Po ashtu, njerëzit mund të vizitojnë të afërmit e tyre, ndërsa miqtë janë të përjashtuar, teksa
Sakaq, tani e tutje, seancat e provimeve dhe seancat e diplomimit mund të zhvillohen me pjesëmarrjen fizike “me kusht që të ketë një organizim hapësirash dhe praktikë të tillë që të minimizojnë rrezikun e afërsisë që janë miratuar në kuadër të masave të organizative të parandalimit dhe mbrojtjes nga Covid-19.
Sa i përket transportit publik distanca është e detyrueshme dhe duhet që gjithmonë të mbahet maska mbrojtëse. /gazetareforma
