Margot Robbie është renditur në vend të parë nga ‘Maxim Australia’ si ‘Gruaja më e nxehtë e vitit 2023’.
Në kulmin e karrierës në Hollywood që pas daljes së filmit ‘Barbie’ këtë verë, Robbie tërhoqi vëmendjen me bukurinë e saj e linjat trupore.
Jo më kot u përzgjodh për rolin e ‘Barbie’, pasi ‘perfeksioni’ i saj i përshtatet më së miri këtij personazhi. Një fakt interesant për aktoren është se kjo është hera e katërt që Robbie, si ‘Barbie’ e vërtetë, kryeson këtë renditje.
Filmi i realizuar nga Warner Bros arriti të ardhura rekord, duke grumbulluar 537 milionë dollarë nga shitjet vetëm në SHBA dhe një total prej 1.2 miliardë dollarësh në kinematë në mbarë botën.
