Për të marrë vaksinën, mjafton të keni me vehte kartën e identitetit me të cilën duhet të paraqiteni në çdo qendër vaksinimi ose në qendrën shëndetësore pranë vendbanimit, ku mund të shkoni për të realizuar procesin e vaksinimit.
Bëhet e ditur se qendrat do të jenë të hapura nga ora 08:00 e mëngjesit deri në orën 20:00 të mbrëmjes.
Ministrja e Shëndetësisë, Ogerta Manastirliu, ka dhënë një mesazh në faqen e saj zyrtare në rrjetet sociale, me të cilën u ka bërë apel të gjithëve që të vaksinohen dhe në këtë mënyrë nuk rrezikon sëmundjen e rëndë nga varianti ‘Delta’. Ky virusit ka mbërritur edhe në Shqipëri dhe ka çuar në rritje të numrit të të infektuarve, siç dhe është vënë re ditët e fundit.
Postimi i ministres Manastirliu:
“Nis sot muaji i hapur i vaksinimit masiv për çdo qytetar +18 vjeç
Me kartën e identitetit, ju mund të paraqiteni në qendrën tuaj shëndetësore ose në qendrën më të afërt të vaksinimit për të kryer vaksinën #antiCOVID.
Qendrat e vaksinimit që do të jenë të hapura nga ora 08:00-20:00.
#VaksinohuSot
#ShqipëriaBuzëqesh”, ka shkruar Manastirliu në faqen zyrtare.
