Së fundmi ka nisur hapja graduale e kufirit mes Kosovës dhe Shqipërisë.
Të gjithë qytetarët e Kosovës që kanë leje qëndrimi apo shtetësi shqiptare, kanë mundësinë të vendosen në pronat e tyre.
Ambasadori i Shqipërisë në Kosovë, Qemajl Minxhozi, u shpreh në një intervistë për “Tv Klan” se personat që kanë mundësinë të lëvizin duhet të vetëizolohen në shtëpitë e tyre.
Ata duhet të respektojnë rregullat në qytetin ku do të qëndrojnë.
“Kjo nuk do të thotë që ata nuk mund të dalin jashtë shtëpive dhe banesave të tyre për të kryer shërbime në orare të caktuara siç është për të gjithë qytetarët shqiptarë. Është shumë e rëndësishme që ta kuptojmë që duhet patjetër që shifrat të shkojnë drejt zeroz që njerëzit e Kosovës të mund të shkojnë drejt territorit të Shqipërisë si dhe ata të Shqipërisë drejt Kosovës. Deti aty është, aty do të jetë. Jam i bindur se Qershori më së largu mesi i Qershorit ose më vonë nëse jemi strikt ne do i afrohemi më shumë detit, në të kundërtën do t’i largohet.”- u shpreh Minxhozi.
Gjithashtu, bëhet e ditur se ka nisur edhe qarkullimi i mallrave, kryesisht mallrat që vijnë nga Kosova në Portin e Durrësit.
