Buzëkuqi është një pjesë thelbësore për grimin e çdo gruaje: Një mjet joshje, hijeshie dhe sensualiteti për secilën prej nesh. Atë e zgjedhim sipas tendencave të fundit dhe veshjes sonë. Por cilat janë tendencat për këtë pranverë?
Buzëkuqet rozë
Nga ato më të zëshme në stilin e Barbie, një rozë neoni që mund të shihet kilometra larg dhe të hipnotizojë palën tjetër, deri tek ato më delikatet që janë të afërt me bezhën.
I kuqi ngjall pasion
Le ta themi se me lëkurë pak të nxirë ai i përshtatet pothuajse të gjitha buzëve. I errët ose i ndritshëm, i lehtë ose i errët, do të ketë gjithmonë një për të gjitha shijet. Alternativa më e sofistikuar është që të përqendroheni tek një e kuqe të thellë.
Nuancat e kafes
Trendi i madh i sezonit megjithatë është buzëkuqi i nuancave kafe, i cili është kthyer në modë. Kjo ngjyrë duhet patjetër të jetë në çantën e grimit të çdo gruaje.
Risia, ngjyra mente
Për të bërë përshtypje a keni menduar ndonjëherë për të ndryshuar rregullat dhe të vendosni një buzëkuq me të gjelbër menteje? Edhe ai është në modë këtë pranverë.
Për të qenë brenda, nude
E nëse gjithë ky ylber ngjyrash ju ka turbulluar provoni një buzëkuq “nude”, sepse qëndron në majën e tendencave të kësaj pranvere, por kombinojeni me grim më të fortë në pjesën e syve.
Burimi: TgCom24
