Khloe Kardashian sapo realizoi ndryshimin e parë për 2019-tën! Ylli i reality show-t “Keeping Up With The Kardashians” dhe ngjyra e saj bjonde platin, janë këtu për t’ju frymëzuar edhe ju të bëni një ndryshim të tillë.
Muajt e fundit, Khloe-n e kemi parë me flokët bjonde në ngjyrë mjalti, ndërsa rrënjët kanë qënë gjithmonë të errëta. Por përmes fotove në “Instagram” mësuam se Khloe, ka vendosur të bëjë ndryshimin drastik, duke u kthyer e gjitha në bjonde platin.
Të shndërrohesh në bjonde platin, kërkon padyshim shumë guxim sepse ky proces mund të dëmtojë flokët. Kardashian zgjodhi parukjerin Tracey Cunnimgham për pamjen e saj të re, i cili ka bashkëpunuar më herët me Heidi Klum dhe Mariah Carey. Në profilin e tij në “Instagram”, parukjeri falënderoi yllin e reality show-t për durimin që kishte, të qëndronte me orë të tëra e ulur në salon.
Le të mos harrojmë se kur Kim Kardashian u bë bjonde platin, zgjati rreth 25 orë procesi!
