Jam e fiksuar pas bukurisë dhe mund të rri orë të tëra para pasqyrës duke u marrë me diçka deri sa ta bëj siç duhet.
Sigurisht kam ditë që dal vetëm me një laps dhe buzëkuq dhe këto i quaj ditë me fat. Por problemi im më i madh, që e kam parë gjithnjë si një defekt në fytyrën time janë qerpikët e shkurtër, thuajse inekzistentë.
Herën e parë që u njoha me procesin e zgjatjes së qerpikëve, ishte falë Instagramit. Dhe ju me siguri e dini se çfarë ndodh atje. Video të tëra me vajza të bukura dhe sy me qerpikë të gjatë dhe të plotë, që ta marrin mendjen. Dhe ja aq ishte, i pashë, më pëlqyen dhe i bëra.
Kisha provuar qerpikë me ngjitje, por doja diçka që të zgjaste më shumë. Zgjatja e qerpikëve është një opsion më i përhershëm që ka fuqinë për të transformuar fytyrën tënde dhe kështu ndodhi me mua.
Sidoqoftë, nëse dhe ti je në kërkim të një look-u perfekt, unë e ndjej për detyrë të të them disa gjëra që do të doja të m’i kishin thënë paraprakisht, para se të lija takimin për t’i zgjatur qerpikët.
1.JO nuk verbohesh nga vënia e qerpikëve.
Me siguri keni dëgjuar se është shumë e rëndësishme të mos lejosh që ngjitësi të bjerë në kontakt me syrin – pasi kjo mund të shkaktojë verbëri. Sidoqoftë, kjo gjë është jashtëzakonisht e rrallë pasi përdoret shumë pak ngjitës. Sigurohuni që gjithmonë të kontrolloni për të parë nëse estetistja është e licencuar dhe e certifikuar dhe mos shkoni pas çmimeve të lira. Rekomandohet gjithashtu të shmangni avullin dhe ujin për 48 orët e para.
2.Qerpiku yt do të rrallohet nëse nuk kujdesesh.
Dëmtimi më i madh i qerpikut natyral vjen si rezultat i mos aplikimit siç duhet të fijeve të qerpikëve. Ekzistojnë disa faktorë që kontribuojnë në këtë problem, si për shembull kur vendos disa fije që janë shumë herë më të mëdha sesa qerpiku yt natyral. Fërkimi i syve është gjithashtu i dëmshëm dhe mund të bëjë që të bien qerpikët. Kjo është në të vërtetë gjëja më e keqe që mund të bëni, prandaj është e rëndësishme të përpiqeni të jeni sa më të butë të mundeni me sytë tuaj.
3.Procesi i vënies së qerpikëve zgjat 2 orë ose më shumë
Takimi fillestar mund të zgjasë diku nga një deri në dy orë në varësi të stilit dhe volumit të dëshiruar. I thashë estetistes që preferoj vëllimin më tepër se gjatësinë, dhe kalova më tepër se dy orë e shtrirë. Edhe pse ishte pak e vështirë në fillim pasi kisha dikë mbi kokë që prekte vazhdimisht fytyrën time dhe zonën e syve, më në fund u mësova me të dhe nisi të më vinte gjumë. Në përgjithësi procesi ishte relaksues dhe mezi po prisja rezultatin.
4.Mirëmbajtja ishte më e vështirë nga sa e mendoja
Pasi mbaron procesi i vënies së qerpikëve, duhet të presësh 24 deri 48 orë para se të lash fytyrën në mënyrë që fijet të ngjiten plotësisht. Mos përdorni produkte me bazë vaji, pasi ato e shpërbëjnë ngjitësin dhe shkaktojnë rënien e qerpikëve. Në vend të kësaj, unë përdora një produkt të thjeshtë për pastrimin ose heqjen e grimcave, si shampo për fëmijë. Gjithashtu asnjëherë mos e rrëshqit peshqirin në fytyrën tënde por preke butësisht me sytë.
5.Nuk ke nevojë të përdorësh më rimel
Një nga përfitimet e shkëlqyeshme të zgjatimit të qerpikëve është se nuk ke më nevojë për rimel. Në përgjithësi nuk rekomandohet pasi është i vështirë të hiqet dhe do të shkaktojë prishjen e tyre. Nëse ju duhet të vendosni me patjetër, përpiquni ta vendosni atë në pjesën e poshtme të qimeve dhe sigurohuni që rimeli të mos jetë rezistent ndaj ujit, pasi do të jetë e vështirë të hiqet
