Parkun Kombëtar i Lurës është përfshirë nga flakët. Në fotot e siguruara në redaksinë e “BalkanWeb” nga banorë të zonës, flakët e zjarrit duket se kanë përfshirë një sipërfaqe të madhe pyjore.
Banorët thonë se po mundohen të shuajnë flakët me mjete rrethanorë, ndërsa kërkojnë ndërhyrjen e ushtrisë, pasi terreni malor vështirëson fikjen e zjarrit për ta.
Në një lidhje telefonikë për “News24”, administratori i zonës, Hasan Hoti u shpreh se po përgatiten ushtarë nga Burreli për t’i ardhur në ndihmë banorëve në shuarjen e flakëve. Deri më tani sipas tij janë djegur rreth 5 ha me pyje.
