Ajo dikur pohoi se ka fjetur vetëm me katër meshkuj, me tre prej të cilëve ka qenë e martuar. Por Angelina Jolie ka përjetuar historinë më të çuditshme seksuale se çdo personazh i “Hollivudit” mund ta përfytyronte.
41-vjeçarja tronditi botën të martën, kur ajo paraqiti kërkesën për divorc nga bashkëshorti i saj prej dy vitesh Brad Pitt, duke përmendur “dallimet e papajtueshme”.
Por ky ishte vetëm kapitulli i fundit në një vëllim me shumë ngjarje, që duket se filloi që në moshën parashkollore.
“Dikur isha një anëtar e një grupi të quajtur “Kissy Girls”. Kam qenë shumë seksuale në kopshtin e fëmijëve. Krijova një lojë, ku do të puthja djemtë dhe do t’u jepja atyre biskota. Më pas ne do të hiqnim rrobat. Kalova shumë telashe”, u shpreh Jolie për revistën OK! në vitin 2007.
Jolie humbi virgjërinë në moshën 14-vjeçare, me bekimin e nënës së saj. “Kur isha 14 vjeç, unë ose do të isha e pakujdesshme rrugëve me të dashurin tim ose ai do të ishte në dhomën time të gjumit me nënën time në dhomën ngjitur, sepse unë doja të kisha një të dashur”, zbuloi ajo për “Cosmopolitan” në vitin 2003.
Gjërat më pas morën një kthesë të errët për adoleshenten, e cila pati një histori duke dëmtuar veten dhe magjepsje pas thikave.
“Nisa të kryeja marrëdhënie seksuale me të dashurin tim, por seksi dhe emocionet nuk ishin të mjaftueshme. Nuk isha më një vajzë e vogël. Në një moment kur doja të ndihesha më afër me të dashurin tim rrëmbeva një thikë dhe e prerë. Ai më gjuajti mbrapsht. Më pas u mbuluam me gjak, zemra ime po shpërthente. Prej atëherë, sa herë që ndihesha si e bllokuar, prisja veten. Kam shumë shenja plagësh. Kjo ishte një periudhë kur ndihesha aventureske dhe pas disa birrave ndodhnin gjëra”, tha ajo për Ok!.
Në moshën 20-vjeçare, aktorja kishte bërë “pothuajse çdo të drogë të mundshme”, duke përfshirë edhe kokainë, ekstazë, LSD dhe “të preferuarën time, heroinën”.
Angelian Jolie dhe Jonny Lee Miller
Ajo i besoi bashkëshortit të parë Jonny Lee Miller që ta largonte nga “ditët e errëta” të saj. Të dy u takuan dhe filluan lidhjen në vitin 1995, gjatë xhirimit të filmit “Hackers”. Ajo më vonë pohoi se kjo ishte marrëdhënia e saj e parë seksuale pas të dashurit të saj të parë. Ai do të ishte kolegu i parë me të cilin do të kishte një marrëdhënie të përfolur dhe në jetën reale.
Ajo u nda nga Miller kur filmi u prezantua, duke kaluar më pas në marrëdhënien e saj të parë të së njëjtës gjinisë me modelen dhe aktoren, Jenny Shimizu, me të cilën u takua gjatë xhirimit të “Foxfire”, 1996-n.
“Me siguri do të isha martuar me Jenny Shimizu, nëse nuk do të isha martuar me bashkëshortin im. Unë rashë në dashuri me herën e dytë që e pashë”, zbuloi ajo gjatë një interviste më vonë.
Me Jenny Shimizu gjatë filmit Foxfire
Ishte koha kur Jolie po filmonte “Foxfire” kur u rilidh me Miller, me të cilin u martua në mars të 1996-s.
Ajo u shfaq në dasmën e saj në pantallona të zeza gome dhe një T-shirt të bardhë, mbi të cilën kishte shkruar emrin e dhëndrit me gjakun e saj. Megjithatë Shimizu pohoi më vonë se ajo dhe Jolie vazhduan lidhjen për vite më pas.
Pas martesës me Miller
“Angelina dhe unë kishim një marrëdhënie vërtetë të mrekullueshme që zgjati shumë vjet. Kam qenë e lidhur me të, ndërsa ajo dilte me persona të tjerë, ajo ishte ai tip i personit: e mrekullueshme dhe e hapur”, tha ajo. Jolie paraqiti kërkesa për divorc nga Miller në shkurt të 1999-s.
Një vit më pas ajo shkaktoi “trazira”, pasi u fotografua duke puthur të vëllain e saj Haven në buzë, në prapaskenat e “Golden Globes” 2000, duke bërë të njëjtën gjë tre muaj më vonë në tapetin e kuq të “Academy Awards”.
Jolie me të vëllain
Pas mori “Oscar”-in e saj të parë, “Aktorja më e mirë dytësorë” për Interrupted, ajo shokoi gjatë fjalimit të marrjes së çmimit duke thënë: “Jam kaq e dashuruar me vëllain tim tani”.
Aktorja dhe i vëllai
Atë muaj ajo filloi takimin me Billy Bob Thornton dhe dy muaj më vonë ata u martuan në Las Vegas.
Jolie me Billy Bob Thornton
Çifti ishin takuar një vit më parë për filmin e tyre “Pushing Tin”, në të cilin ajo luan rolin e gruas së tij, e cila e tradhton atë me rivalin John Cusack.
Angelina dhe Billy Bob thuhet se nuk vazhduan një marrëdhënie të gjatë në kohën e xhirimeve, pasi ai ishte i angazhuar në një lidhje me aktoren Laura Dern në atë kohë, ndërsa ajo përflitej se ishte në një lidhje me Timothy Hutton, me të cilin ajo u shfaq në filmin “Playing God”, në vitin 1997.
Jolie me Timothy Hutton
Jolie dhe Thornton, i cili ishte 20 vite më i madh, mbushën faqet e para të mediave me deklaratat e tyre të shpeshta dhe të çuditshme të dashurisë, përfshirë tatuazhin e saj “Billy Bob” në shpatullën e saj.
Çifti gjithashtu ishin të famshëm pasi mbanin në qafë si varëse një shishe me gjakun e njëri-tjetrit. Në vitin 2002 ata njoftuan se kishin adoptuar një fëmijë nga Kamboxhia, por u ndanë papritmas tre muaj më vonë.
“Kjo më befasoi edhe mua, sepse gjatë natës gjithçka ndryshoi. Unë mendoj se një ditë do të kuptojmë se nuk kemi pasur asgjë të përbashkët”, tha ajo në atë kohë. Ajo po ashtu tha se nuk do ta merrte në konsideronte ndonjëherë të zgjaste një marrëdhënie shtatë apo tetë vite, por vërtetoi të kundërtën.
Në vitin 2005 ajo u akuzua se ishte arsyeja e ndarjes së Brad Pitt nga gruaja e tij, Jennifer Aniston, kur të dy thuhet se nisën romancën gjatë xhirimeve të “Mr And Mrs Smith”. Jolie e mohoi atë gjithë kohë, por pranoi se “ra në dashuri” me të gjatë xhirimeve.
“Të kem një lidhje me një burrë të martuar, kur babai im tradhtoi nënën time, nuk është diçka që mund ta falë. Nuk mund të shoh veten në mëngjes, në qoftë se do ta bëja atë. Nuk do të tërhiqesha nga një mashkull që do të tradhtonte gruan e tij”, tha ajo gjatë një interviste për “Today”, atë vit.
Por statusi i tyre i marrëdhënies u konfirmua në vitin 2006, kur ajo njoftoi se ajo ishte shtatzënë me fëmijën e tij.
Pas shtatë vitesh dhe gjashtë fëmijëve së bashku ata njoftuan kurorëzimin e tyre në prill të vitit 2012 dhe u martuan më 23 gusht 2014.
Pavarësisht thashethemeve ajo ka pasur një lidhje me aktorët e tjerë gjatë viteve, duke përfshirë edhe Colin Farrell dhe Jared Leto gjatë xhirimeve të “Alexander”, Jolie pohoi se ajo ka kryer marrëdhënie seksuale vetëm me katër meshkuj në jetën e saj, me tre prej të cilëve ajo u martua.
Megjithatë, ajo u shfaq për ta kundërshtuar këtë në një intervistë të “New York Post” në vitin 2004, në të cilën ajo pranoi që ka shumë “miq me përfitime” (friends with benefits).
“Kalova dy vite me asnjë mashkull rreth meje dhe pastaj vendosa që të afrohesha me meshkujt, që ishin tashmë miqtë e mi. Kjo është lloj mënyrë e pjekur për të pasur marrëdhënie të pjekura. Nuk kam pasur lidhje vetëm për një natë, këta janë njerëz që i njoh shumë mirë”, tha ajo në atë kohë.
Burimi: Daily Mail
