Nga data 4 maj do të nisin të aplikohen rregulla të reja për riatdhesimin e shqiptarëve që ndodhen jashtë kufinjve. Adresa e shtëpisë është kyçe për të përcaktuar nëse periudha 14-ditore e karantinimit do të bëhet në hotel apo në shtëpi.
Kështu, sipas një njoftimi të ministres Belinda Balluku, të gjithë shqiptarët do të duhet të rezervojnë një biletë me Air Albania, por ndryshe nga herët e kaluara, nuk duhet të prenotojnë automatikisht një dhomë hoteli, por duhet të deklarojnë adresën e saktë të shtëpisë.
Me anë të kësaj të fundit do të vendoset nëse shqiptarët e ardhur nga jashtë do të karantinohen në hotele apo në shtëpi. Nëse qytetari jeton në një nga zonat e gjelbra do të karantinohet në hotel, e ndërsa ata në zonat e kuqe në shtëpi, por në këtë rast do të karantinohet edhe gjithë familja.
Shifra ditore për ushqim është 7 euro që do e paguajë çdo qytetar nga xhepi i tij, dhe pjesa tjetër e fjetjes prej 14 euro nga shteti.
“Sot kam një lajm të mirë për qytetarët që ndodhen në pritje për t’u kthyet. Nga 4 maji do të ndikojë edhe për riatdhesimin. Të gjithë shqiptarë duhet të aksesojnë faqen Air Albania për të kryer rezervimin e biletës, duhet të deklaroni adresën e banimit. Ato që jetojnë në zonët e gjelbra duhet të vetëkarantinohen në hotel, në zonat e kuqe në shtëpi të monitoruara nga policia. Nuk është më i nevojshme prentotimi i hotelit. Gjatë udhëtimit tuaj në bordin e Air Albania, do të keni një formular të deklarimit ku do shkruan edhe një herë adresën e banesës, ky formular ju ngarkon me përgjegjësi ligjore nëse rast se gënjeni do ketë penalizmi. Udhëtarët e riatdhesuar do ndahen në dy grupe, në zonat e gjelbra do dërgohen me autobus në hotel. Do të duhet të mbulojnë vetëm shpenzimet ushqimore, 7 euro ndërsa 14 euro nga shteti. Banorët e zonat e kuqe do vetëkarantinohen në shtëpi, së bashku me familjet. Nëse nga këto të fundit duan të karantinohen në hotel, ta deklarojnë në avion”, tha Balluku.
Rregullat e reja për riatdhesimet:
1.Qytetarët duhet të presin biletën në Air Albania
2.Nuk duhet të prenotojnë automatikisht hotel, por të japin adresën e saktë të shtëpisë
3.Në bordin e avionit duhet të plotësojnë një formular, do rishkruhet edhe një herë adresa
4.Në rast mashtrimi, do të ketë përgjegjësi penale
5.Banorët në zonat e gjelbra do karantinohen në hotel, me shpenzimet e tyre (7 euro për ushqim, 14 euro paguhen nga shteti)
6.Banorët e zonët e kuqe do të karantinohen në shtëpi, së bashku me familjarët
7.Në të dyja rastet do të monitorohen nga ushtria dhe policia
8.Nëse një qytetar nga zonat e kuqe dëshiron të karantinohet në hotel është i lirë
/Iconstyle.al
