Mund t’ju duket e çuditshme, por ekziston një lidhje mes muajit tuaj të lindjes dhe sëmundjes prej së cilës mund të vuani.
Astrologjia nuk është një shkencë e besueshme, por sipas një studimi amerikan, mund të ketë arsye të mjaftueshme për t’i kushtuar më tepër vëmendje muajit që ke lindur, nëse do të njohësh rrezikun që ke për t’u prekur nga sëmundje të caktuara.
Studiuesit kanë shqyrtuar 1.688 sëmundje bashkë me datat e lindjes së 1.7 milionw pacientëve të trajtuar në Spitalin Presbyterian, në New York, mes viteve 1985-2013. Duke ju referuar rezultateve të kërkimit, 55 sëmundje rezultuan të lidhura drejtpërdrejtë me muajin e lindjes. Askush deri më sot nuk kishte bërë një studim të tillë. Studimet e mëparshme kanë arritur vetëm të bëjnë lidhjen midis një sëmundje të caktuar të fëmijës dhe muajit të tij të lindjes. Për shembull, nëse lindja ka qenë gjatë dimrit, shpjegohen sëmundjet e rrugëve të frymëmarrjes apo astmës.
Në fund, studimi ka pasqyruar rrezikun e prekjes së sëmundjeve, renditur sipas muajit të lindjes:
Janar – hipertensioni
Shkurt – sëmundje të zemrës
Mars – arterioskleroza dhe sëmundje të zemrës
Prill – dhembje të kraharorit, shqetësime të zemrës
Maji, qershori, korriku dhe gushti rezultojnë lindjet e njerëzve më të shëndetshëm.
Shtatori – astma
Tetori – sëmundjet mendore
Nëntori – infeksionet virale
Dhjetori – çrregullime të rrugëve të frymëmarrjes
Burimi: HuffingtonPost
