Në raportin e publikuar dje aksionet e Netflix kanë rënë me 25% numri i shikuesve. Platforma e filmave tregon se ka humbur rreth 200 mijë abonentë dhe për këtë sipas tyre ka dy arsye. E para është shpërndarja e fjalëkalimeve dhe e dyta futja e reklamave.
Netflix paralajmëroi që do marrë masa për familjet që shpërndajnë fjalëkalimet teksa synon të sjellë abonentë të rinj.
Sipas Netflix, 10 milionë familje në mbarë botën po e përdorin shërbimin falas duke mbajtur llogarinë e një miku ose një anëtari tjetër të familjes.
Kompania ka nisur testimin e mënyrave të ndryshme për të frenuar ndarjen e fjalëkalimeve në Kili, Kosta Rika dhe Peru – dhe mund ta zgjerojë këtë diku tjetër nëse rezulton e suksesshme.
Po mendohet gjithashtu që të kenë një ulje të çmimit, dhe tarifa do të kompensohet nga reklamat.
“Ata që kanë ndjekur Netflix-in e dinë që unë kam qenë kundër kompleksitetit të reklamave dhe një fans i madh i thjeshtësisë së abonimit”- u shpreh pronari Reed Hastings. “Por, sado që jam një adhurues i kësaj, unë jam një adhurues më i madh i zgjedhjes së konsumatorit.”, shtoi ai.
Një tjetër arsye e rënies së Netflix është edhe konkurrenca. Platforma të reja janë në kulmin e tyre si HBO Max apo Disney+.
