Një vogëlush 6-vjeçar nga Cesa e Italisë ka shkuar një letër prekëse pasi ndihet i rrezikuar nga Koronavirusi.
Pio ka sistem të dobët imunitar, ndaj infektimi nga Covid-19 mund të rezultonte fatal për të.
Për këtë arsye, 6-vjeçari i kërkon të gjithëve të respektojnë rregullat e vendosura për parandalimin e epidemisë dhe të mos dalin nga shtëpia, pasi jeta e tij vendoset në rrezik.
E ëma e Pio-s, Amelia, e ka ndarë letrën në profilin e saj në Facebook, ndërsa fjalët e 6-vjeçarit na kanë prekur të gjithëve.
“Përshëndetje, quhem Pio dhe jam 6 vjeç.
Jam një fëmijë imunodepresiv. E dini se çfarë do të thotë që të jesh imunodepresiv? Mund të ta shpjegoj me katër fjalë të thjeshta: zero antitrupa, zero imunitet. Unë jetoj në Cesa, kryebashkiaku i vendit tim po mundohet me të gjitha mënyrat që të më mbrojë mua dhe njerëzit e tjerë të dobët si unë, por… nëse nuk qëndroni në shtëpi, përpjekjet e tij do të shkojnë kot… Mendojeni… Faleminderit.”- janë fjalët e të voglit për të ndërgjegjësuar personat që ende nuk i binden rregullave.
Shifrat e Koronavirusit në Itali vijojnë të rriten frikshëm. Brenda 24 orëve të fundit u regjistruan 474 vdekje, ndërsa shifra totale e tyre ka shkuar 2978.
Gjithashtu janë konfirmuar deri tani 35,713 raste infektuara.
