Jahti “Madleen”, pjesë e një flotiljeje që synonte të dërgonte ndihma në Gaza, është ndaluar nga ushtria izraelite (IDF), ku mes aktivistëve ndodhej edhe Greta Thunberg. Aktivistja suedeze 22-vjeçare, në një video të publikuar në Instagram, pretendoi se ishte “rrëmbyer”, por Ministria e Jashtme izraelite konfirmoi më pas se ajo është “e sigurt dhe mirë”.
Në një foto të shpërndarë nga autoritetet izraelite, Greta shihet duke marrë bukë nga një ushtar, ndërsa autoritetet ironizuan “jahtin e selfieve”, duke thënë se “sasia minimale e ndihmave” do të dërgohet në Gaza nëpërmjet kanaleve zyrtare humanitare.
Ngjarja ka ndezur diskutime të forta në rrjet për mënyrën se si trajtohen aktivistët dhe simbolika e veprimeve të tyre.
