Ndërhyrjet në stomak për rënien në peshë të njohura me emrin “bariatric surgery”, në ditë e sotme janë bërë gjithmonë e më të përhapura. Sipas shoqatës amerinkane “American Society for Metabolik and Bariatric Surgery”, më shumë se 200 000 njerëz iu nënështruan operacionit të humbjes së peshës në vitin 2016 dhe përfitimet ishin të kënaqëshme.
“Me kalimin e kohës edhe më shumë hulumtime janë bërë dhe ne kemi kuptuar se ‘bariatric surbery’ ndihmon njerëzit të humbin peshë, por gjithashtu ndihmon në trajtimin e shumë problemeve mjekësore që lidhen me peshën e tepërt, të tilla si presioni i gjakut, diabeti i tipit 2, sëmundjet e zemrës, dhe shumë sëmundje të tjera.”, thotë doktor Mattheë Dong, asistent i kirurgjisë në spitalin “The Mount Sinai Hospital”, i specializuar në kirurgjinë metabolike, endokrine dhe minimale-invazive.
Por ju nuk mund të zgjoheni një ditë dhe të vendosni që doni një operacion të humbjes së peshës për të hequr qafe kilogramët e tepërt. Ka udhëzime strikte kualifikuese bazuar në indeksin e masës trupore ose “BMI”.
“Njerëzit me BMI 25 janë mbipeshë, ata me BMI 40 ose më shumë konsiderohen obezë dhe pikërisht këta kualifikohen për të bërë ‘bariatric surgery’ pa asnjë kusht”, shpjegon Dong.
Personat që kanë “BMI” midis 35 dhe 40 mund të klasifikohen për të bërë ndërhyrjen kirurgjikale vetëm nëse janë të kushtëzuar nga sëmundje serioze që lidhen me peshën, siç janë për shembull sëmundjet e zemrës.
Ndërsa e mendoi kirurgjinë e humbjes së peshës si një zgjidhje magjike, jo gjithçka është kaq e thjeshtë. Sipas doktor Dong marrja e këtij vendimi është shumë i individualizuar.
Ekzistojnë një numër opsionesh dhe zgjedhja që bëni ju varet nga gjendja juaj shëndetësore dhe nga lloji i zgjidhjes që kërkoni. Plus, është e rëndësishme të mbani mend se nga “gariatric surgery” kufizohet sasia e ushqimit që ju mund të hani, por pas operacionit është e rëndësishme që të hani shëndetshëm si dhe të merrrni shtesa të rregullta ushqimore. Në këtë mënyrë trupi juaj merr ato vlera ushqimore për të cilat ka nevojë që të funksionojnë normalisht.
Nëse jeni duke marrë parasysh mundësinë për një ndërhyrje të tillë kirurgjikale duhet të merrni parasysh këto 5 opsione:
1-Bajpas gastrik
Kjo është një nga llojet më të vjetra të “bariatric surgery”.
Në këtë rast përdoret një pajisje kirurgjikale për të ndarë stomakun në një qese të vogël, pak më të vogël se një vezë, afër vendit ku ezofagu shkon poshtë stomakut. Kjo do të thotë që stomaku është në gjendje të mbajë më pak ushqim, duke reduktuar në mënyrë dramatike marrjen e kalorive dhe duke çuar në humbje peshe.
Zorra e vogël pastaj është e rilidhur me qesen e vogël të stomakut në një mënyrë që anashkalon pjesën e parë të zorrëve të vogla, të cilat ndihmojnë në asorbimin e ushqimit. Pikërisht kjo pjesë siguron që ju të mos asorboni të gjitha kaloritë që ju hani, duke rezultuar kështu në një humbje më të madhe peshe.
Kjo është një zgjidhje shumë e mirë dhe për ata që vuajnë nga diabeti, sepse largimi i ushqimit nga pjesa e parë e zorrëve të vogla dhe marrja e atij ushqimi në pjesët e tjera të zorrëve, sipas Dong, ndikon pozitivisht në nivelet e insulinës.
Kjo ndërhyrje nuk rekomandohet për personat që kanë probleme me zemrën sepse mund të rrezikohet jeta e tyre.
2-Gastrektomi mbështjellëse
Në këtë rast përdoret e njëjta kirurgji si në rastin e mësipërm, por në këtë rast një pjesë e stomakut hiqet nga trupi. Kjo e bën stomakun fizikisht më të vogël, kështu që njerëzit ngopen më shpejt pas një vakti të vogël dhe nuk mund të hanë shumë.
“Ka edhe një përbërës hormonal këtu, sepse ekziston një hormon në stomak që dërgon një sinjal në tru kur dikush është i uritur, kur kjo pjesë e stomakut hiqet, zvogëlohet dëshira e njerëzve për të kërkuar ushqim”, thotë Dong.
3-Gyp i fiksueshëm
Në këtë rast një unazë silikoni me një tullumbacë në sipërfaqen e brendshme vendoset rreth pjesës së sipërme të stomakut. Kjo tullumbacë është e lidhur me një pjesë të vogël të tubave që shkojnë në një port të vogël të vendosur në indet e buta nën lëkurë.
Sipas Dong nëse ju zgjidhni këtë metodë duhet të siguroheni që tullumbacja të jetë në ato përmasa saqë të mos pengojë që ushqimi të kalojë krejtësisht. Kjo sugjerohet në përgjithësi për njerëzit me një BMI 30-35.
“Duhet të jetë dikush, që do të jetë i gatshëm ta shohë kirurgun shumë shpesh sepse fillimisht ato kërkojnë rregullime të shpeshta për të arritur nivelin e duhur të inflamacionit”, thotë Dong.
Sipas tij kjo nuk është një procedurë e rrezikshme, por rezultatet janë paksa zhgënjyese në afat të gjatë dhe jo domosodshmërisht të vlefshme.
4- Ndërthurje e duodenit me biliopankreasin
Ky është opsioni më intesiv i “bariatric surgery” dhe në të vërtetë janë dy operacione në një. Së pari ajo përfshin një ndërhyrje që e bën stomakun në tub në formë banane. Pastaj mjekët rilidhin zorrët e vogla në stomak në një mënyrë që ushqimi të anashkalojë tre të katërtat e zorrëve të vogla, duke përfshirë edhe duodeniumin.
Në thelb kjo bëhet për të kufizuar sasinë e ushqyesve që stomaku dhe zorrët thithin.
“Ky operacion bën funksionale ruajtjen e ushqimit në një pjesë të stomakut shumë më të vogël dhe e merr ushqimin në zorrën e vogël më shpejt”, thotë Dong.
Sipas tij kjo ndërhyrje është kurative pothuajse tek të gjithë pacientët, mirëpo suksesi varet shumë edhe nga ndjekja pas operacionit.
“Çdo person që bën një ndërhyrje ‘bariatric surgery’ duhet të marrë një multivitaminë dhe të kontrollojë rregullisht laboratorët e tyre ushqyes”, sqaron Dong.
5-Tullumbace gastrike
Kjo është një tullumbacë që mjekët e vendosin përmes fytit në stomak. Kjo zë hapësirën në stomak që njerëzit të ndihem më shpejt të ngopur.
Ka disa skenarë në të cilat kjo mund të funksionojë. Kjo mund të përdoret tek ata njerëz të cilët dëshirojnë të humbasin një sasi të moderuar të peshës për një kohë të caktuar, për shembull nëse kanë në plan të martohen së shpejti.
Një situatë tjetër është me dikë që është i obezë dhe që po përpiqet të ketë një tjetër operacion.
“Në ortopedi, për shembull, mjekët ndonjëherë nuk duan të riparojnë një gju nëse dikush është mbipeshë sepse nuk do të jenë në gjendje të rehabilitohen dhe me shumë mundësi do të kenë një dëmtim dytësor.”, shpjegon Dong.
Burimi:Women’sHealthMagazine
