Duhet të bëni kujdes për ushqimet që hani, pasi jo vetëm që ndikojnë në pamjen e jashtme, por edhe në plakjen e trurit.
Një dietë e re mund të përgjysmojë rrezikun e personave, për t’u prekur nga sëmundja Alzheimer, sipas një studimi të ri. Dietologët vërtetojnë se dieta e quajtur MIND është shumë e dobishme për kujtesën. Jo vetëm redukton shfaqjen e Alzheimer dhe përmirëson kujtesën e funksionet të njohjes, gjithashtu zgjat jetën, ndihmon në uljen e peshës dhe redukton riskun për sëmundje kardiovaskulare.
(Akronimi MIND do të thotë “Mediterranean-DASH Intervention for Neurodegenerative Delay”, pra është një dietë që bashkon dietën mesdhetare dhe atë DASH (të dietës që ulë hipertensionin) për të vonuar shfaqjen e çrregullimeve e sistemit nervor).
Këto janë 10 ushqimet që janë të mira për trurin:
1.Gjethet e sallatës.
2.Perimet në përgjithësi: Përdorini të freskëta ose të gatuara, në formë sallate, supe të ftohtë apo gjelle.
3.Vaji i ullirit: Ari i lëngshëm është baza e kuzhinës mesdhetare. I mirë për zemrën, sistemin tretës edhe për kujtesën.
4.Frutat e pyllit: Mbi të gjitha boronicat. Por nuk duhen lënë pas edhe manaferrat.
5.Peshku: Sidomos peshqit e ujërave të kripur, si sardelet dhe salmoni.
6.Bishtajoret: Fasulet, qiqrat, thjerrëzat dhe bizelet duhet të jenë pjesë integrale e regjimit ushqimor. Humus është një krem qiqrash me origjinë nga Lindja e Mesme shumë i shijshëm dhe i pranueshëm për shijen tonë mesdhetare.
7.Arrat: Ato përmirësojnë funksionin e zemrës, luftojnë kancerin, reduktojnë riskun për Alzheimer.
8.Drithërat integrale: Janë perfekte për mëngjes. Tërshëra dhe himja e tërshërës apo e grurit mund të kombinohen me kos natyral ose qumësht.
9.Mishi i bardhë: Pulë ose gjel, e zgjidhni ju.
10.Një gotë verë në ditë.
