Yll Limani është një nga emrat më në zë të muzikës shqiptare, që gjithmonë surprizon me projektet e tij që bëjnë diferencën.
Për shkak të zhanrit që lëvron, Ylli është profilizuar si një artist romantik, melankolik që sjell këngë të cilat ia dalin të kthehen në hite edhe pa patur një videoklip.
Mirëpo, këtë herë, autori i hitit “Ëngjëj” duket se ka vendosur të na surprizojë. Sikundër na ka bërë me dije, shumë shpejt do lançojë projektin e tij të ri të titulluar “Buzët e kuqe”, që si duket do bënkan diferencën.
Në një intervistë për “Prive” këngëtari ka treguar se kënga i përket tendencës që po dominon në tregun botëror, rikthimi i periudhës së viteve ’80.
Është trendi më IN i këtij viti, edhe i inspiruar prej artistëve si The Weekend, Dua Lipa, e kisha një koncept “Buzët e kuqe” tash e sa kohë, por kur rash në bazën e duhur instrumentale lindi njëra prej këngëve që e dua më së shumti. Kjo është një rrymë që nuk kultivohet shumë nga shqiptarët. Jam i ri në karrierë jam stabil, edhe më falet çdo rrezik si eci mirë, si jo. Nëse jo tash, kur?
Ylli ka treguar se karantina ka shërbyer si një burim i mirë prodhimi për të pasi ka krijuar këngë sa pë dy vite. Ai tha se përveç bashkëpunimit me Lumi B, do sjellë edhe një solo.
Para disa javësh 25-vjeçari solli “I kom kall” një këngë që u pëlqye shumë nga publiku, sikundër ndodh me çdo projekt të tijin.
