Shumë femrave iu ndodh që pas ditës së dytë të periodave t’iu ndryshojë ngjyra e gjakut, nga e kuqe ajo bëhet si në ngjyrë të zezë, madje në disa raste nuk duket aspak si gjak.
Por nuk duhet t’iu kap paniku për këtë, pasi është normale që gjaku të jetë në një ngjyrë tjetër që nuk është e kuqe. Doktoreshë Rebecca Brightman siguron se gjaku i zi nuk është diçka jo normale dhe jo domosdoshmërish ky është një shkak për alarm. Por është e kuptueshme që të gjithë të frikësohemi kur shohim se nga trupi ynë del një lëng i zi.
Pse gjaku duket i zi?
Nuk duhet të shqetësoheni pasi gjaku i zi nuk është një shenjë që ju jeni shtatzënë me një demon. Brightman thotë se ngjyra e zezë e gjakut të periodave vjen gjithmonë gjatë ditëve të fundit të ciklit dhe është vetëm rezultat i faktit që gjaku ka qenë më gjatë në trupin tuaj.
Periodat janë një mënyrë për të pastruar muret e mitrës në mungesë të një shtatzënie dhe derdhjen e saj rreth një herë në muaj, prandaj ndodh rrjedhja e gjakut. A e keni parë ndonjëherë se si gjaku juaj i kuq është i ndritshëm në fillim të periodave tuaja?
Kjo është për shkak se, siç tha Brightman, ai është gjaku i parë dhe gjakderdhja është më intensive.
Ndërsa prerja e mureve të mitrës suaj ndalon atëherë gjaku del më ngadalë nga trupi juaj. Për këtë arsye gjaku ka pasur kohë për tu oksiduar, gjë që mund ta bëjë atë të kthehet në një ngjyrë të errët si kafe ose të zezë. Pra kur shikoni poshtë dhe shihni gjak të errët ose të zi, kjo është vetëm një shenjë se ai ka qëndruar më gjatë në trupin tuaj.
“Sa më i vjetër të jetë gjaku, aq më e errët është ngjyra që merr ai”, thotë Brightman.
Sipas saj, këtë gjë nuk e përjetojnë njësoj të gjitha gratë. Në mënyrë tipike është normale që kjo të zgjasë deri në dy ditë. Ajo tha se nëse shihni vazhdimisht gjak me ngjyrë të zezë ose kafe të errët në fund të ciklit tuaj për më shumë se një herë, duhet të flisni më mjekun tuaj.
Çfarë do të thotë nëse gjaku i zi nuk është në fund të periodave?
Brightman tha se disa gra e shohin gjakun ngjyrë kafe të errët ose të zezë në fillim të periudhës së tyre, sepse, sipas saj të gjithë jemi ndryshe. Ajo tha se mund të jetë vetëm një shenjë se prerja e mureve të mitrës suaj po fillon të përkeqësohet dhe disa gra e venë re këtë dukuri të frikshme disa ditë para fillimit të një cikli. Nëse e vëreni këtë më shumë se një herë Brightman thotë se duhet të flisni me mjekun tuaj (por nuk duhet të ndiheni në panik), sepse kjo bëhet vetëm për t’u siguruar që nuk ka asnjë trup të huaj në mitrën tuaj, sikurse janë polipet.
Ju gjithashtu duhet të qëndroni të qetë dhe bisedoni me mjekun tuaj nëse jeni në kontrollin e lindjeve hormonale dhe vini re njolla të errëta në mes të ciklit tuaj. Brightman tha se gratë në kontrollin e lindjeve hormonale zakonisht kanë mure të holla të mitrës dhe shpesh nuk kanë një cikël të rregullt dhe për këtë arsye mund të përjetojnë këtë ndryshim të ngjyrës së gjakut.
Çfarë do të thotë nëse në të vërtetë ai ka ngjyrë gri?
Normalisht nuk duhet të ngatërrohemi në përcaktimin e ngjyrës gri dhe të zezë, por kur bëhet fjalë për gjëra të tilla që dalin nga vagina juaj, dallimi ka rëndësi. Brightman tha se shkaku më i zakonshëm për shkarkimin gri është infeksioni. Dhe për shkak të kësaj, nëse vëreni ndonjëherë shkarkim gri ose gjak, duhet të bëni një takim me mjekun tuaj.
Një infeksion i lidhur me shkarkimin gri është vaginoza bakteriale, e cila vjen me simptoma të tjera si një erë e dyshimtë dhe kruajtje. Një tjetër infeksion mjaft i zakonshëm është trichonomiasis, që shkakton shkarkimin e verdhë-gri ose të gjelbër, si dhe disa dhimbje dhe ënjtje.
Duke përjashtuar rastet e infeksioneve, ndryshimi i ngjyrës së gjakut gjatë periodave tuaj janë diçka normale dhe asnjë gjë shqetësuarës për të kërkuar ndihmën e mjekut tuaj.
Burimi: Cosmopolitan
