Së fundmi, raportohet se në vendin tonë janë shënuar dy raste të reja me koronavirus, duke e çuar numrin total të të prekurve në 176 persona.
Bëhet fjalë për nënë e bijë nga Puka, që fillimisht kanë qenë shtruar në spitalin e qytetit, më pas janë transportuar në Shkodër dhe në fund në Tiranë.
Sipas “Balkanweb” ato kanë rezultuar negative nga analiza me tampon, por më pas bënë skanerin në mushkëri që tregoi se në të vërtetë ato ishin prekur.
Mendohet se gruaja nga Puka mund ta ketë marrë virusin nga djali i saj, që dyshohet se e ka marrë virusin nga kontaktet që ka patur me ‘pacientin zero’, të cilin e ka takuar ne Tiranë.
Mirëpo, djali i të infektuarës ka rezultuar negativ në testin e COVID-19, teksa në qarkun Shkoder ka shkon në 5 numri i rasteve në total.
Tashmë ka shkuar në 176 numri i të prekurve nga koronavirusi, teksa vetëm dje janë shënuar 28 raste të reja nga 103 testime, rritja më e madhe që nga fillimi i epidemies në vendin tonë.
Hartës së qyteteve të prekura tashmë i është shtuar edhe Tropoja, ku janë shënuar 2 raste, ndërsa në Spitalin Infektiv janë shtruar 73 persona, tre prej të cilëve në terapi intensive, ku dy prej tyre janë intubuar.
Në mesin e të prekurve janë edhe 4 fëmijë, gjendja e të cilëve është e stabilizuar.
Shpërndarja gjeografike e rasteve pozitive, është si vijon:
– Tiranë 102 raste
– Durrës 10 raste
– Lushnje 4 raste
– Elbasan 5 raste
– Rrogozhinë 2 raste
– Fier 18 raste
– Kavajë 4 raste
– Korçë 11 raste
– Vlorë 5 raste
– Shkoder 5 raste
– Lezhë 4 raste
– Berat 1 raste
– Has 2 raste
– Krujë 1 raste
-Tropojë 2 raste
/gazetareforma
