Për të gjithë qytetarët shqiptarë që kanë ngelur në Angli për shkak të koronavirusit, Ministria për Europën dhe Punët e Jashtme ka dhënë një njoftim të rëndësishëm.
Bëhet e ditur se për shkak të situatës së krijuar nga virusi vdekjeprurës Covid-19, do të ketë zgjatje të vizave.
Zgjatja e vizës do të zbatohet për secilin qytetar të cilit i skadon viza pas 24 janarit dhe nuk mund të largohet nga vendi për shkak të kufizimit të fluturimeve dhe vetë-izolimit të tij.
Kjo situatë do të zgjasë deri më datën 31 të muajit maj, por do të mbahet në rishikim në rast se do të nevojitet zgjatje e mëtejshme.
Deri tani, në vendin tonë ka shkuar në 174 numri i personave të prekur nga Covid-19, mes tyre edhe 4 fëmijë.
Gjithashtu, virusi i ka marrë jetën 6 personave në vend.
