Neda dhe Ogreni janë ndër të paktët çifte jetëgjatë të “Big Brother VIP”, që dashurinë e tyre të bukur po e festojnë edhe me bekimin e radhës.
Pas dy djemve, Serzh dhe Zai, ata janë bërë prindër për herë të tretë. Neda ka sjellë në jetë një vajzë, ndërsa në rrjete sociale ka ndarë emocionet e para dhe emrin me të cilin e kanë pagëzuar.
E vogla e tyre quhet Suzzie Ann.
“E s’më binden këmbët, por të binden ty, zë mendoj si ti, e veproj si ti. S’shoh me sytë e mi, por me sytë e tu. Ç’më bëre kështu?! Fol, dashuri!”
Të duam që tani kaq shumë Suzie Ann e mezi presim të të duam për tërë jetën 🌸”- shkruan opinionistja krahas postimit.
Ishte Bora Zemani ajo që dha lajmin e bukur të ardhjes së bebushes dje, gjatë emisionit “Për’puthen”.
Bora u shpreh shumë e lumtur për Nedën, bashkë me protagonistët e tjerë të programit, ndërsa e vlerësoi për punën e palodhur të kësaj periudhe, e sigurisht i uroi shumë lumturi.
