Agjencitë turistike kanë zhvilluar ditën e sotme një protestë përpara Ministrisë së Turzimit dhe Mjedisit.
Të ndodhur në vështirësi ekonomike për shkak të pandemisë Covid-19, përfaqësuesit e disa agjensive kanë kërkuar ndihmë nga shteti pasi janë në prag falimentimi.
Përfaqësuesja e një agjensie ka shpalosur kërkesat e saj dhe ka kërkuar heqjen e taksës lokale dhe subvencion për periudhën 6 muaj deri në 1 vit.
“Jemi mbyllur më 11 mars. Të garantohet një pagë minimale, 3 punonjës kam në agjenci. Kam 10 vjet që paguaj taksa. Kemi marrë vetëm 40 mijë lekshin po çfarë të bëjmë me kaq lekë. Nuk paguajmë dot as qiranë e ambjentit. Kërkojmë heqjen e taksës lokale dhe subvencion për një periudhë 6 mujore-1 vjeçare”, u shpreh ajo.
Turizmi është një nga sektorët që ka pësuar goditjen më të madhe në ekonomi për shkak të koronaviruesit.
Kjo për shkak të masave të ndërmarra nga qeveria pas izolimit për mospërhapjen e virusit.
Kërkesat që agjensitë turistike parashtruan janë:
-Ndihme financiare urgjente.
-Pagë minimale.
-Të lobohet për hapjen e kufijve.
-Protokolle të qarta për zhvillimin e turizmit.
-Protokolle transporti.
-Subvencionim të siguracioneve 6 muaj deri në 1 vit.
Ndërsa njëri prej protestuesve në profesion guidë turistike ka reaguar i revoltuar duke thënë se qeveria shqiptare po shkatërron çdo gjë.
“S’është turizmi vetëm shezllona e restorte zoti ministër.
Si mund të taksoni agjenci turistike kur skanë aktivitet e punë? Ju flini gjumë ndërsa vende të tjera madje dhe Kosova ka bërë shumë më tepër.
Te ne s’ka inspektoriat për guidat.
Vjen guida e huaj bën sllavisht guidën dhe askush s’e ndalon. Të na rroni ju se po shkatërroni çdo gjë”.
Nga ana tjetër ministri i Turizmit dhe Mjedisit, Blendi Klosi ende nuk ka reaguar lidhur me këtë protestë edhe pse sektori i turizmit ka qenë ai që marrë goditjen fatale në ekonomi.
Shumë turistë kanë anuluar edhe pushimet e tyre për shkak edhe të moshapjes së kufijve me vendet e BE.
