Këngëtarja shqiptare, Era Istrefi me publikimin e “Live it Up”, himnit të Kampionatit Botëror të Futbollit, publikoi edhe projektin e saj më të ri muzikor “Prisoner”.
Kjo është një këngë e stilit “reggae” dhe ka tërhequr vëmendjen ndërkombëtare menjëherë pas publikimit. Mund të themi se kohët e fundit Era po ndjek rrymën “reggaeton”, madje edhe kënga e Kampionatit Botëror në Rusi, në bashkëpunim me Will Smith dhe Nicky Jam është në këtë zhanër muzikor.
Ndërsa është duke shijuar sukseset e fundit, Era është nisur nga New York-u për në Xhamajka ku do të realizojë klipin e saj të ri. Pjesë e ekipit të këngëtares shqiptare mësohet se është edhe artisti kosovar Astrit Ismaili, i cili ka realizuar performancën artistike të Erës në këngën “E dehun”.
