Një vit pas martese, Afërdita Dreshaj po jeton akoma muajin e mjaltit me bashkëshortin Jakub Kindl.
Këtë e tregoi sot, kur postoi në Instagram një video në të cilën Jakub, në një ditë të zakonshme, i sjell asaj një tufë të mrekullueshme lulesh.
“Oh Zot, ti je bashkëshorti më i ëmbël në botë!”, dëgjohet që i thotë Afërdita.
“Vetëm sepse e dua kaq shumë”, shkruan ajo, “Ai është gjëja më e ëmbël”.
Afërdita dhe Jakub u martuan në qershor të vitit të kaluar.
Ata kishin një vit të fejuar dhe katër vite që njiheshin.
Propozimi ishte super romantik: në taracën e një prej hoteleve më luksoze, “Four Seasons” në Pragë të Çekisë, vendi i hokejistit Kindl.
Afërdita është shprehur se Jakub është gjithmonë shumë romantik dhe plot surpriza për të.
