Ditën e djeshme në premierën e filmit “Gjyshja”, Eduart Grishaj pranoi lidhjen me Arbana Osmanit.
Në mes të të ftuarve, ai e quajti Arbanën si gjënë më të mirë që ka në jetë dhe ky ishte dedikimi më romantik që kishim dëgjuar.
Pas kësaj ai ka folur për herë të parë publikisht edhe për lidhjen që ka me Jonin, djalin e moderatores.
I ftuar në emisionin “Ftesë në 5” ai ka treguar se me Jonin kalojnë kohë bashkë duke qenë se Eduarti po merret edhe me fotot e librit të Arbanës.
“Jam duke e përgatitur Jonin që edhe pak t’ia dorëzoj atij aparatin të merret me fotot e gatimeve të Arbanës se gatimet janë aq të shijshme sa unë nuk i rezistoj dot”, ka treguar regjisori.
