Naftëtarët e uzinës në Ballsh kanë hyrë në një grevë urie prej 24 ditësh teksa iu janë bashkuar edhe gratë e tyre.
Grevistët kërkojnë marrjen e masave urgjente nga qeveria për të siguruar pagesën e 9 muajve rrogë që e kanë fituar në gjykatë, rinisjen e punës dhe njohjen e librezave të punës ku shënohen sigurimet shoqërore dhe vitet e punës.
Ndërkohë një ngjarje e rëndë ka ndodhur mbrëmjen e djeshme, pasi njëra nga naftëtaret e Ballshit ka tentuar të vrasë veten duke prerë damarët.
Kanë qënë shoqet e saj të cilat e kanë ndaluar atë që të kryente aktin ndërkohë që gjendja shëndetësore e të gjitha grevisteve vijon të përkeqësohet.
‘Njëra prej nesh tentoi të vrasë veten, e ndaluam të priste damarët. Nuk kemi më shpresa, shteti na ka braktisur. Meta ishte në Bylis, mund të kishte ndaluar te ne ’.- shprehen gratë naftëtare.
Ndërkohë, kryeministri Rama u ka bërë thirrje që të lënë grevën dhe të hyjnë në bisedime për gjetjen e dialogut të këtij problemi, që sipas tij nuk është qeveria shkaktare.
