Specialisti i IT, Gent Progni, përmes një statusi në Facebook, ka ngritur një alarm pasi dokumentet me vulë elektronike që i shkarkojmë nga e-Albania, janë lehtësisht të ndryshueshme gjatë kohës që gjenerohen.
Alarmante çdo dokument i dalë me vulë elektronike në e-Albania është lehtësisht i ndryshueshëm gjatë kohës që gjenerohet! Çdo institucion bankar, çdo institucion privat dhe shtetëror duhet të bllokojë pranimin e dokumenteve të gjeneruar nga e-albania me vulë elektronike! Ftoj prokurorinë të hapë hetimet, SPAK të hetojë pse është lënë kjo hapësirë kaq e thjeshtë për editimin e dokumenteve. Praktikisht unë mund të martohem me dokument zyrtar me kë të dua, të bej dokument zyrtar me çfarë emri dhe mbiemri të dua, certifikatë pronësie si të dua etj etj !!!!
Drejtuar redaksisë së Iconstyle në email, deklaratës së Prognit iu përgjigj AKCESK, duke pretenduar se akuzat e Prognit janë të rreme, ndërsa siguria e dokumenteve është maksimale.
Mirëpo, kjo nuk është hera e parë që problematikat e e-Albania raportohen nga qytetarët dhe ekspertët, ndërsa “sigurinë” e të dhënave tona e kemi parë shumë herë inekzistente. Ndaj, presim reagimin e ekspertit të IT, Gent Progni, për këtë deklaratë të AKCESK.
Nisur nga informacionet e qarkulluara në disa media lidhur me gjenerimin e certifikatës
personale nga portali e-Albania, sqarojmë si më poshtë:
AKCESK pas analizimit teknik të procesit të gjenerimit të certifikatës në portalin e-Albania
konfirmon me kompetencë të plotë teknike qe shfaqja e certifikatës në formën preview siç është
publikuar në disa media është vetëm në pjesën “front-end” dhe në këtë hap certifikata NUK
është me vule elektronike, pra si e tillë NUK ka asnjë vlere ligjore.
Në pamjet e shfaqura ku pretendohet se certifikata mund të manipulohet, siç shikohet qartë,
bëhet fjalë për një dokument PA VULË elektronike e cila NUK ka asnjë vlerë ligjore.
Të dhënat e certifikatës për t’u vulosur elektronikisht, postohen nga sistemi elektronik “back-
end” i cili është llogjikisht dhe teknikisht i ndarë me pjesën e “front-end”.
Nga analiza e zhvilluar nga ekspertet e AKCESK, duket qartë që nuk mund të manipulohen të
dhënat e serverit pasi ato gjenerohen në kohë reale të enkriptuar në server-side.
Theksojmë se, vula elektronike është elementi i cili garanton autenticitetin dhe integritetin e një
dokumenti elektronik
Dokumenti që vuloset elektronikisht është i PAMANIPULUESHËM dhe i PADUKSHËM në
client-side, por krijohet në server-side në fazën e fundit kur përdoruesi klikon butonin
“Shkarko dokumentin e vulosur”.
I njoftojmë qytetaret që të jenë të qetë dhe te vijojnë të marrin shërbime gjithmonë të
besueshme nga portali qeveritar e-albania.
Kërkojmë nga mediat, të qëndrojnë profesionalë duke mos u bërë pjesë e përhapjes së informacionit të rremë që ngjall panik.
AKCESK është gjithmonë në dispozicionin për të mbështetur çdo shqetësim tuajin i cili do të
përmirësonte eko-sistemin tonë digjital në Shqipëri.
