Me siguri të gjithë jeni fansa të djemve të grupit “West Side Family”, të cilët me hitet e tyre kanë rrëmbyer zemrat e publikut shqiptar dhe janë kthyer ndër të preferuarit e çdo kohe. Ende edhe sot dëgjohen “Hou çike”, “Mesazh”, “Kena lind për qef” etj.
Pas lajmit të dhimbshëm të ndarjes nga jeta të Dr. Florit, Landi Hysi dhe Armir Shahini vendosën të mos e shpërbëjnë grupin e tyre, por të sjellin sërish projekte të reja për publikun shqiptar.
Vazhdimisht në postimet e tyre në rrjete sociale djemtë kujtojnë Dr.Florin, fjalët e të cilit kanë qenë të pranishme edhe ditën e sotme në ditëlindjen e Landit.
Armiri ka ndarë në Instagram një foto me kolegun e tij, krahas të cilës e uron me një pjesë të tekstit të Dr. Florit.
“Gëzuar ditëlindjen vëllai im. “Jeta shkon, kshu është e kshu do jetë gjithmonë” cit. Dr.Flori. Jemi bashkë tani e përgjithmonë.”- janë fjalët e Armirit për Landin.
“Xhik je i modh”-shkruan Landi në ripostimin e urimit të veçantë të ditëlindjes.
Kujtojmë se dy javë më parë, djemtë sollën bashkëpunimin e ri me Eranda Libohovën, të titulluar “Marinela”.
