Këtë verë, kur vjen puna tek aksesorët e flokëve, influencueset e modës e kanë lëshuar dorën dhe po vendosin gjithmonë e më shumë aksesorë në flokët e tyre. Që prej perlave e deri tek rrathët, kur bëhet fjalë për zbukurimin e flokëve, këtë verë gjithçka është “in”. Ju duhet pakëz frymëzim?
Më poshtë po ju sjellim 6 aksesorët më trendy të kësaj vere, të cilët mund t’i përdorni në flokë sipas dëshirës tuaj.
Rruazat e perlave
Mund të përdorni për flokët tuaj karfica me rruaza perlash të madhësive të ndryshme, të cilat do t’ju ndihmojnë t’i mbani flokët në njërën anë pa i lëvizur, ose të hedhura lart për të mos rënë në fytyrë.
Rrathët e kokës
Rrethin e kokës mund ta kombinoni me veshjen tuaj të përditshme. Këtë verë, në modë janë rrathët e fryrë të kokës të cilët janë të mbuluar me copë. Ngjyrën zgjidheni ju!
Një shall
Mund të përdorni një shall për të lidhur flokët tuaj dhe është kaq e thjeshtë! Mjafton të bëni një nyjë apo një fjongo në majë të kokës dhe ja, tashmë dukeni cool!
Lidhëset e flokëve të viteve ’90
Me një lidhëse flokësh të viteve ’90, mund të bëni flokët bisht. Gjithashtu, këtë model mund ta shoqëroni edhe me karficat perla, të cilat janë në modë këtë verë.
Kapëse të veçanta
Mund të përdorni sa kapëse flokësh të doni dhe si t’i doni! Bëni kompozimin tuaj me karfica në kokë sipas dëshirës.
Fjongo
Mund t’i mblidhni bisht flokët tuaj me një fjongo si ato që dikur vinit në flokë kur ishit të vogla.
Tani është në dorën tuaj të vendosni!
