Dita e Baballarëve ka qenë një ditë e veçantë urimi dhe falënderimi. Mjaft personazhe të njohur kanë shfrytëzuar rastin për të falënderuar baballarët për përkushtimin dhe lodhjen e tyre.
Megjithatë urimi i këngëtares Dafina Zeqiri ka qenë një ndër më të veçantit që kemi parë. Në vend të të atit, me të cilin Dafina nuk flet pasi i ka braktisur që të vogla, atë dhe motrën, këngëtarja ka falënderuar nënën, që gjatë gjithë kohës ka qenë baba dhe mama për Dafinën.
“Gëzuar Ditën e Baballarëve për mbretin tim! Për faktin se ajo ka qenë një nënë dhe një baba i shkëlqyer njëkohësisht. Një grua e jashtëzakonshme që i ka bërë të gjitha” – ka shkruar këngëtarja duke i vendosur dhe një kurorë me emoji nënës së saj në kokë.
