Apple ka njoftuar përmirësimin e asistentit të saj zanor Siri dhe sistemeve të tij operative me ChatGPT të OpenAl.
Përditësimet do t’u mundësojnë përdoruesve të pajisjeve iPhone dhe Mac të kenë qasje në ChatGPT, falë partneritetit me zhvilluesin e këtij softueri, OpenAI. Ata do të mund ta përdorin ChatGPT-në edhe për qëllime të tjera, jashtë pyetjeve për Sirin, përfshirë krijimin e teksteve dhe të përmbajtjeve.
Versioni testues do të jetë i disponueshëm në vjeshtë.
Shefi ekzekutiv i kompanisë Apple, Tim Cook, tha se këto risi do t’i çojnë produktet e kompanisë së tij “në lartësi të reja”. Ai i bëri komentet teksa hapi Konferencën Botërore të Zhvilluesve në selinë e gjigantit të teknologjisë në Kaliforni.
Apple ka qenë nën presion për të përfshirë veçori të reja të inteligjencës artificiale në produktet e tij, pas rritjes së shpejtë që kanë pësuar rivalët e kompanisë që e kanë miratuar këtë teknologji.
Cook u ka thënë investitorëve qysh në vitin 2023 se kompania e tij do t’i qaset me kujdes kësaj teknologjie.
